ប៉េកាំង៖ អ្នកនាំពាក្យក្រសួងការពារជាតិចិន លោក Tan Kefei បាននិយាយ កាលពីថ្ងៃសុក្រថា ទីក្រុងប៉េកាំង នៅតែតវ៉ាប្រឆាំងយ៉ាងខ្លាំងនឹងការផ្គត់ផ្គង់អាវុធពីសហរដ្ឋអាមេរិក ដល់កោះតៃវ៉ាន់ ហើយទាមទារឱ្យបញ្ឈប់ទង្វើទាំងនោះ។
លោក Tan បាននិយាយ នៅក្នុងសេចក្តីថ្លែងការណ៍មួយដែលបានបង្ហោះនៅលើទំព័រ WeChat របស់ក្រសួងការពារជាតិចិនថា យើងប្រឆាំងយ៉ាងខ្លាំងចំពោះការលក់អាវុធទៅឱ្យកោះតៃវ៉ាន់ ដោយសហរដ្ឋអាមេរិក។ ទន្ទឹមនោះ លោក ក៏បានជំរុញឱ្យទីក្រុងវ៉ាស៊ីនតោន បញ្ឈប់ការជ្រៀតជ្រែកក្នុងបញ្ហាតៃវ៉ាន់ និងបញ្ឈប់ការបង្កើនភាពតានតឹងនៅច្រកសមុទ្រតៃវ៉ាន់ ពាក់ព័ន្ធនឹងគម្រោងផ្គត់ផ្គង់អាវុធចុងក្រោយរបស់ខ្លួន។
លោក បន្ថែមថា កងទ័ពរំដោះប្រជាជនចិន តែងតែត្រៀមខ្លួនជាស្រេចក្នុងការវាយបកវិញក្នុងករណីមានការបង្កហេតុណាមួយ លើឯករាជ្យ និងការជ្រៀតជ្រែកពីកងកម្លាំងខាងក្រៅ។ លោក បានប្តេជ្ញាចិនថា កងទ័ពចិន នឹងការពារអធិបតេយ្យភាពជាតិ និងបូរណភាពទឹកដីរបស់ខ្លួនយ៉ាងម៉ឺងម៉ាត់៕
