ក្រុង Kyiv បាននិយាយថា ខ្លួនកំពុងត្រៀមសម្រាប់ការវាយប្រហារពីកងកម្លាំងរុស្ស៊ីដ៏ធំមួយ ខណដែលកងកម្លាំងរុស្សុីបានឡោមព័ទ្ធក្រុង Bakhmut ជាក្រុងភាគខាងកើតអ៊ុយក្រែន ដែលក្រុងម៉ូស្គូព្យាយាមដណ្តើមយកអស់រយៈពេលជាច្រើនខែ។
អ៊ុយក្រែនបានប្តេជ្ញាការពារ “បន្ទាយ Bakhmut” នឹងត្រូវប្រឈមមុខនឹងកងទ័ពរុស្ស៊ីដែលបានប្តេជ្ញាចិត្តដូចគ្នាក្នុងការដណ្តើមយកទីក្រុងដែលស្ទើតែក្លាយផេះមួយនេះ។
បុគ្គលិកទូទៅរបស់អ៊ុយក្រែនបាននិយាយថា “ការវាយប្រហាររបស់សត្រូវច្រើនជាង 130ដង” ត្រូវបានវាយលុកក្នុងរយៈពេលកន្លងមកនេះ រួមទាំងនៅ Kupiansk, Lyman, Bakhmut និង Avdiivka ផងដែរ។
ប្រធានាធិបតីអ៊ុយក្រែនលោក Volodymyr Zelensky កាលពីថ្ងៃអាទិត្យបាននិយាយថា កងកម្លាំងរបស់ទីក្រុង Kyiv ស្ថិតក្នុងសមរភូមិដ៏ឈឺចាប់ និងលំបាកមួយនៅក្នុងតំបន់ Donbas ភាគខាងកើត ដែលរួមមាន Bakhmut ផងដែរ។
រដ្ឋមន្ត្រីការពារជាតិអ៊ុយក្រែនលោក Oleksii Reznikov បានប្រាប់កាសែត Bild am Sonntag របស់ប្រទេសអាល្លឺម៉ង់ថា “ការខាតបង់របស់រុស្ស៊ីបានឈានដល់ 500 នាក់បានស្លាប់ និងរបួសជារៀងរាល់ថ្ងៃ” បើគិតត្រឹមឆ្នាំ២០២៣នេះ។
យោងតាមលោក Reznikov ទីក្រុងBakhmut គឺជា “កន្លែងនិមិត្តរូបសម្រាប់ប្រជាជនរុស្ស៊ី” ដែលជាមូលហេតុដែលពួកគេកំពុងខិតខំប្រឹងប្រែងដើម្បីចាប់យកវា។
គួរជម្រាបថា អ៊ុយក្រែន និងរុស្ស៊ីចាប់តាំងពីរដូវក្តៅនេះបានប្រយុទ្ធគ្នាយ៉ាងស្វិតស្វាញដើម្បីទីក្រុងនេះ ដែលសារៈសំខាន់ជានិមិត្តរូបបានលើសពីសារៈសំខាន់យោធារបស់ខ្លួន៕
