យ៉ាងហោចណាស់ ចោរម្នាក់បានស្លាប់ និងសន្តិសុខព្រលានយន្តហោះម្នាក់បានស្លាប់ ក្នុងករណីចោរប្លន់អាកាសយានដ្ឋានក្នុងប្រទេសឈីលីបានបណ្តាលឱ្យមានការបាញ់ប្រហារ។
ហេតុការណ៍នេះបានកើតឡើងកាលពីព្រឹកថ្ងៃពុធនៅឯអាកាសយានដ្ឋានអន្តរជាតិ Arturo Merino Benitez ក្នុងរដ្ឋធានី Santiago ។ ចោរចន្លោះពី ១០ ទៅ ១២ នាក់បានវាយប្រហារខណៈបុគ្គលិកអាកាសយានដ្ឋានកំពុងរំកិលប្រាក់ចំនួន ៣២,៥ លានដុល្លារចេញពីយន្តហោះ។
លោក Eduardo Baeza ព្រះរាជអាជ្ញាដែលមានភារកិច្ចដឹកនាំការស៊ើបអង្កេតបាននិយាយថា ទំនិញដ៏មានតម្លៃបានមកដល់លើយន្តហោះ LATAM ពីទីក្រុងម៉ៃអាមី ដែលត្រូវដឹកដោយក្រុមហ៊ុន សន្តិសុខ Brinks។
គួរជម្រាបថា ឧក្រិដ្ឋកម្មប្លន់វត្ថុមានតម្លៃក្នុងប្រទេសឈីលីក្នុងរយៈពេលប៉ុន្មានឆ្នាំចុងក្រោយនេះ ខណៈដែលព្រលានយន្តហោះត្រូវបានក្រុមចោរកំណត់គោលដៅ។ នៅឆ្នាំ 2017 ក្រុមប្រដាប់អាវុធមួយបានលួចប្រហែល 18 លានដុល្លារ ហើយបីឆ្នាំក្រោយមកការលួចស្រដៀងគ្នានេះបានយក 15 លានដុល្លារពីឡានពាសដែក៕
