គ្រូបង្វឹកក្រុម Crystal Palace លោក Patrick Vieira បានផ្តល់ការធានាដល់លោក Harry Maguire បន្ទាប់ពីប្រធានក្រុម Manchester United រូបនេះត្រូវបានអ្នកគាំទ្រប្រទេសអង់គ្លេស ជេរប្រមាថក្នុងសប្តាហ៍នេះ ហើយបានផ្តល់ដំបូន្មានដល់គាត់អំពីរបៀបឈ្នះអ្នកគាំទ្រមកវិញ។
ខ្សែការពារកណ្តាលត្រូវបានសើចចំអកដោយផ្នែកនៃហ្វូងមនុស្សនៅ Wembley អំឡុងពេលកំដៅសាច់ដុំមុនពេលការប្រកួតមិត្តភាពអន្តរជាតិកាលពីថ្ងៃអង្គារជាមួយក្រុម Ivory Coast ដែលក្រុមម្ចាស់ផ្ទះបានឈ្នះ 3-0 ។
វីរបុរសក្រុមកាំភ្លើងធំ Arsenal លោក Vieira និយាយថា “វាមិនមែនជារឿងចម្លែកទេ ក្នុងការលើកទឹកចិត្តខ្លួនឯង សូម្បីតែទទួលបានការសើចចំអក។ ដូចកាលនៅ Old Trafford ក្នុងអំឡុងពេល Paul Scholes ក៏ធ្លាប់ត្រូវបានអ្នកគទ្រជេរប្រមាថក្នុងឆ្នាំ 2011។ វាជាទិដ្ឋភាពនៃបាល់ទាត់ Maguire ត្រូវតែដោះស្រាយ និងលើកទឹកចិត្តគាត់ឱ្យផ្តោតលើការសរសើរដែលគាត់ទទួលបានពី លោក Southgate វិញ”។
លោក Vieira បន្តថា “ខ្ញុំគិតថាគាត់មិនគួរព្រួយបារម្ភខ្លាំងពេកអំពីវាទេ។ គួរតែព្រួយបារម្ភ របៀបដែលអ្នកកំពុងលេងនៅលើទីលាន។
ទោះជាយ៉ាងណា ទិដ្ឋភាពនៅ Wembley លោក Gareth Southgate និយាយបែបមិនខ្វល់ថា វាជាការទទួលដ៏កំប្លែងមួយ តែប៉ុណ្ណោះ៕
