តុលាការក្រុងម៉ូស្គូបានចាប់ខ្លួនអ្នកយកព័ត៌មាន WSJ លោក Evan Gershkovich ជុំវិញសំណុំរឿងចារកម្ម!
ប្រភពមន្ត្រីនៅក្នុងការអនុវត្តច្បាប់បានប្រាប់ TASS កាលពីថ្ងៃព្រហស្បតិ៍ថា តុលាការស្រុក Lefortovsky នៃទីក្រុងមូស្គូបានចាប់ខ្លួនអ្នកយកព័ត៌មាន The Wall Street Journal ដែលជាជនជាតិអាមេរិកឈ្មោះ Evan Gershkovich ដែលពីមុនត្រូវបានចាប់ខ្លួននៅ Yekaterinburg ជុំវិញការចោទប្រកាន់ពីបទចារកម្ម។
ប្រភពបាននិយាយថា តុលាការ Lefortovsky នៃទីក្រុងម៉ូស្គូបានជ្រើសរើសវិធានការបង្ការសម្រាប់ Gershkovich ដែលសង្ស័យថាជាចារកម្មក្នុងទម្រង់នៃការឃុំខ្លួន ។ប៉ុន្តែខាងតុលាការបានបដិសេធយ៉ាងដាច់អហង្ការក្នុងការផ្តល់យោបល់ណាមួយទាក់ទងការចាប់ខ្លួនអ្នកសារពត៌មាននោះ។
មន្ត្រីខាងការអនុវត្តច្បាប់ក៏បានលាតត្រដាងផងដែរថាករណីរបស់ Gershkovich ត្រូវបានចាត់ថ្នាក់ថាជា ករណីអាថ៌កំបាំងកម្រិតខ្ពស់ដោយសារតែ ព័ត៌មានពាក់ព័ន្ធដែលមាននៅក្នុងសំណុំរឿង។
នៅព្រឹកថ្ងៃព្រហស្បតិ៍ ម្សិលមិញមជ្ឈមណ្ឌលទំនាក់ទំនងសាធារណៈ FSB បានប្រាប់ TASS ថា Evan Gershkovich បានធ្វើសកម្មភាពតាមការបញ្ជារបស់ភាគីអាមេរិក ខណដែលគាត់បានប្រមូលព័ត៌មានសម្ងាត់រដ្ឋអំពីសកម្មភាពនៃសហគ្រាសនៅក្នុងបរិវេណឧស្សាហកម្មយោធារបស់រុស្ស៊ី។
អ្នកយកព័ត៌មានរូបនោះត្រូវបានឃុំខ្លួននៅក្នុងក្រុងយូរ៉ាល់នៃក្រុង Yekaterinburg។ អ្នកស៊ើបអង្កេត FSB បានបើកសំណុំរឿងព្រហ្មទណ្ឌប្រឆាំងនឹងពលរដ្ឋអាមេរិកក្រោមមាត្រា ២៧៦ នៃក្រមព្រហ្មទណ្ឌរុស្ស៊ី (ចារកម្ម) ។
ពាក់ពន្ធ័ករណីនេះ កាសែត Wall Street Journal (WSJ) បានចេញផ្សាយសេចក្តីថ្លែងការណ៍មួយបង្ហាញពីការព្រួយបារម្ភយ៉ាងខ្លាំងចំពោះសុវត្ថិភាពរបស់ Gershkovich ។ យោងតាម WSJ លោក Gershkovich ត្រូវបានបិទបាំងចនូវមុខតំណែងរបស់គាត់នៅការិយាល័យរបស់កាសែតម៉ូស្គូ៕
