ប្រធានសភាអាមេរិក លោក Kevin McCarthy នឹងជួបជាមួយមេដឹកនាំតៃវ៉ាន់ លោកស្រី Tsai Ing-wen នៅរដ្ឋកាលីហ្វ័រញ៉ា នាចុងសប្តាហ៍នេះ។ នេះបើយោងតាមការិយាល័យរបស់លោក McCarthy បាននិយាយនៅក្នុងសេចក្តីថ្លែងការណ៍មួយ។
លោក McCarthy បានបញ្ជាក់ពីកិច្ចប្រជុំនេះ នៅក្នុងការចេញផ្សាយរបស់ប្រព័ន្ធផ្សព្វផ្សាយ កាលពីថ្ងៃចន្ទ ដោយនិយាយថា លោក នឹងរៀបចំព្រឹត្តិការណ៍ “bipartisan” ជាមួយលោកស្រី Tsai នៅបណ្ណាល័យប្រធានាធិបតី Ronald Reagan ក្នុងរដ្ឋកាលីហ្វ័រញ៉ា ខណសមាជិកសភាផ្សេងទៀតក៏ត្រូវបានកំណត់ឱ្យបង្ហាញខ្លួនផងដែរ រួមទាំងតំណាងរាស្ត្រប្រជាធិបតេយ្យលោក Pete Aguilar និងមេដឹកនាំនៃគណៈកម្មាធិការជ្រើសរើសសភានៅប្រទេសចិន។
ទន្ទឹមនោះ ការិយាល័យប្រធានាធិបតីរបស់កោះតៃវ៉ាន់ ក៏បានលើកឡើងផងដែរថា កិច្ចពិភាក្សាជាមួយ លោក McCarthy នឹងប្រព្រឹត្តទៅបន្ទាប់ពី លោកស្រី Tsai ជួបជាមួយអ្នកតំណាងកំពូលរបស់សហរដ្ឋអាមេរិក។
គួរបញ្ជាក់ថា ក្រោយដំណើរទស្សនកិច្ចរបស់លោកស្រី Tsai ទៅកាន់សហរដ្ឋអាមេរិក បានប៉ុន្មានថ្ងៃ ទីក្រុងប៉េកាំង បានចាប់ផ្ដើមប្រតិបត្តិការចេញល្បាតភ្លាមៗ នៅជុំវិញកោះតៃវ៉ាន់៕
