ប៉ូលិសក្រុងតូក្យូ ចាប់ខ្លួនក្រុមឆបោកតាមអុីនធឺណេត ក្រោយបណ្តេញចេញពី កម្ពុជា!
ជនជាតិជប៉ុនចំនួន១៩នាក់ ដែលសង្ស័យប្រព្រឹត្តអំពើឆបោកតាមទូរស័ព្ទ ត្រូវបានប៉ូលិសក្រុងតូក្យូ ចាប់ខ្លួនក្រោយបណ្តេញចេញពីប្រទេសកម្ពុជា។
យន្តហោះ បានទៅដល់អាកាសយានដ្ឋាន Haneda ក្នុងទីក្រុងតូក្យូ កាលពីយប់ថ្ងៃអង្គារទី១១ខែមេសា ខណៈប្រភពជិតស្និទ្ធនឹងការស៊ើបអង្កេតនិយាយថា ជនសង្ស័យមានអាយុចាប់ពី២៥ឆ្នាំដល់៥៥ឆ្នាំ។
យោងតាមប្រភពខាងលើ, ក្រុមនេះបានឆបោកប្រាក់ប្រហែល ២៥០ ០០០យ៉េន ឬប្រហែល ១៩០០ដុល្លារអាមេរិក ពីស្រ្តីរស់នៅទីក្រុងតូក្យូម្នាក់អាយុ៦០ឆ្នាំ កាលពីខែមករា។
ពួកគេបានផ្ញើសារក្លែងក្លាយ ព្រមានដល់ស្ត្រីរូបនោះ ឲ្យបង់ប្រាក់សម្រាប់សេវាកម្មអនឡាញ។
ប្រភពដដែលបញ្ជាក់ថា ក្រុមនេះបានធ្វើប្រតិបត្តិការចេញពីបន្ទប់សណ្ឋាគារមួយក្នុងក្រុងព្រះសីហនុ នៃប្រទេសកម្ពុជា៕
