ប្រធានាធិបតី កូរ៉េខាងត្បូង លោក Yoon Suk Yeol បាននិយាយថា ក្រុងសេអ៊ូលអាចនឹងពង្រីកការគាំទ្ររបស់ខ្លួនសម្រាប់អ៊ុយក្រែនលើសពីជំនួយមនុស្សធម៌ និងសេដ្ឋកិច្ច ប្រសិនបើវាកើតឡើងនៅក្រោមការវាយប្រហារស៊ីវិលទ្រង់ទ្រាយធំ ដែលជាសញ្ញាបង្ហាញពីការផ្លាស់ប្តូរជំហររបស់គាត់ប្រឆាំងនឹងការបំពាក់អាវុធអ៊ុយក្រែនជាលើកដំបូង។
នៅក្នុងបទសម្ភាសន៍ជាមួយ Reuters នៅមុនដំណើរទស្សនកិច្ចផ្លូវរដ្ឋរបស់លោកទៅកាន់សហរដ្ឋអាមេរិកនៅសប្តាហ៍ក្រោយ លោក Yoon បាននិយាយថា រដ្ឋាភិបាលរបស់លោកបាននិងកំពុងស្វែងរកវិធីជួយការពារ និងកសាងអ៊ុយក្រែនឡើងវិញ ដូចដែលកូរ៉េខាងត្បូងបានទទួលជំនួយអន្តរជាតិក្នុងអំឡុងសង្គ្រាមកូរ៉េឆ្នាំ 1950-53 ។
លោក Yoon បាននិយាយថា ប្រសិនបើមានស្ថានភាពដែលសហគមន៍អន្តរជាតិមិនអាចអត់ឱនបាន ដូចជាការវាយប្រហារទ្រង់ទ្រាយធំណាមួយលើជនស៊ីវិល ការសម្លាប់រង្គាល ឬការរំលោភបំពានធ្ងន់ធ្ងរនៃច្បាប់សង្រ្គាម វាប្រហែលជាពិបាកសម្រាប់ពួកយើងក្នុងការទទូចតែលើជំនួយមនុស្សធម៌ ឬផ្នែកហិរញ្ញវត្ថុប៉ុណ្ណោះ។
សូមបញ្ជាក់ថា វាគឺជាលើកទីមួយហើយដែលទីក្រុងសេអ៊ូលបានស្នើឱ្យមានឆន្ទៈក្នុងការផ្តល់អាវុធដល់អ៊ុយក្រែន ច្រើនជាងមួយឆ្នាំបន្ទាប់ពីបានច្រានចោលលទ្ធភាពនៃជំនួយដ៍សាហាវ។
កូរ៉េខាងត្បូង គឺជាសម្ព័ន្ធមិត្តដ៏សំខាន់របស់អាមេរិក និងជាអ្នកផលិតគ្រាប់កាំភ្លើងធំ កូរ៉េខាងត្បូង រហូតមកដល់ពេលនេះ បានព្យាយាមជៀសវាងការបង្កជម្លោះជាមួយរុស្ស៊ី ដោយសារតែក្រុមហ៊ុនរបស់ខ្លួនដែលកំពុងប្រតិបត្តិការនៅទីនោះ និងឥទ្ធិពលរបស់ទីក្រុងម៉ូស្គូលើកូរ៉េខាងជើង បើទោះបីជាមានសម្ពាធកាន់តែខ្លាំងពីបណ្តាប្រទេសលោកខាងលិចសម្រាប់ការផ្គត់ផ្គង់អាវុធក៏ដោយ៕
