កងទ័ពស៊ូដង់ និងកងកម្លាំងគាំទ្ររហ័សប៉ារ៉ាយោធា (RSF) បានយល់ព្រមបន្តបទឈប់បាញ់របស់ពួកគេ ចំពេលមានអំពើហិង្សាដែលកំពុងបន្តនៅក្នុងរដ្ឋធានី Khartoum និងតំបន់ Darfur ភាគខាងលិច។
ក្នុងរយៈពេលប៉ុន្មានម៉ោងចុងក្រោយនៃបទឈប់បាញ់រយៈពេលបីថ្ងៃដែលបែកបាក់ម្តងហើយម្តងទៀត នឹងត្រូវបញ្ចប់នៅពាក់កណ្តាលអធ្រាត្រ (22:00 GMT) នៅថ្ងៃព្រហស្បតិ៍ កងទ័ពបាននិយាយថា ខ្លួននឹងបន្តបទឈប់បាញ់ “សម្រាប់រយៈពេល 72 ម៉ោងបន្ថែមទៀត” បន្ទាប់ពីកិច្ចខិតខំប្រឹងប្រែងសម្របសម្រួលដោយប្រទេសអារ៉ាប៊ីសាអូឌីត និងសហរដ្ឋអាមេរិក។
ដោយឡែក RSF ក៏បាននិយាយផងដែរថា ខ្លួនបានអនុម័តបទឈប់បាញ់បន្ថែម ដោយបន្ថែមថា សំណើនេះបានមកពីក្រុមការទូតពីរ ដែលរួមមាន សហរដ្ឋអាមេរិក អារ៉ាប៊ីសាអូឌីត ន័រវេស ចក្រភពអង់គ្លេស និងអារ៉ាប់រួម។
ទោះជាយ៉ាងណា បទឈប់បាញ់ពីមុន មិនបានបញ្ឈប់ការប្រយុទ្ធគ្នានោះទេ ប៉ុន្តែបានបង្កើតជាកម្លាំងគ្រប់គ្រាន់សម្រាប់ប្រជាជនស៊ូដង់រាប់ម៉ឺននាក់ ឱ្យភៀសខ្លួនទៅកាន់តំបន់មានសុវត្ថិភាព និងសម្រាប់ជនបរទេស ដើម្បីជម្លៀសពលរដ្ឋរាប់រយនាក់របស់ពួកគេតាមផ្លូវគោក និងសមុទ្រតែប៉ុណ្ណោះ៕
