ឥណ្ឌាថា ភាពតានតឹងតាមព្រំដែនបានបំផ្លាញមូលដ្ឋានទាំងស្រុងនៃទំនាក់ទំនងទ្វេភាគីជាមួយចិន!
ខណៈដែលការប្រឈមមុខគ្នាផ្នែកយោធានៅតាមព្រំដែននៅតែកើតមាន ឥណ្ឌាកាលពីថ្ងៃព្រហស្បតិ៍បានប្រាប់ប្រទេសចិនថាភាពតានតឹងនៅតាមព្រំដែនបាន “លុបបំបាត់មូលដ្ឋានទាំងមូល” នៃទំនាក់ទំនងទ្វេភាគីរវាងប្រទេសជិតខាងអាស៊ីទាំងពីរ។
ក្រសួងការពារជាតិឥណ្ឌាបាននិយាយថា រដ្ឋមន្ត្រីការពារជាតិឥណ្ឌា លោក Rajnath Singh និងសមភាគីចិនរបស់លោក Li Shangfu បានជួបប្រជុំគ្នានៅទីក្រុង New Delhi ខណៈដែលពួកគេបាន “ពិភាក្សាដោយស្មោះត្រង់អំពីការអភិវឌ្ឍន៍នៅក្នុងតំបន់ព្រំដែនឥណ្ឌា-ចិន ក៏ដូចជាទំនាក់ទំនងទ្វេភាគី” ។
គួរជម្រាបថា នេះគឺជាដំណើរទស្សនកិច្ចលើកដំបូងរបស់រដ្ឋមន្ត្រីការពារជាតិចិនទៅកាន់ប្រទេសឥណ្ឌា ចាប់តាំងពីការប៉ះទង្គិចគ្នាដ៏សាហាវរវាងយោធាទាំងពីរក្នុងឆ្នាំ 2020 តាមបណ្តោយ LAC ដែលជាខ្សែព្រំដែនជាក់ស្តែងរវាងប្រជាជាតិទាំងពីរនៅក្នុងតំបន់ Ladakh នៃតំបន់ជម្លោះ Jammu និង Kashmir។
យ៉ាងហោចណាស់ទាហានឥណ្ឌា 24 នាក់ និងទាហានចិន 20 នាក់ត្រូវបានសម្លាប់នៅពេលដែលយោធាទាំងពីរបានប្រយុទ្ធដោយគ្មានអាវុធនៅ LAC ក្នុងខែមិថុនាឆ្នាំ 2020 ៕
