បណ្តាញទូរទស្សន៍កណ្តាលរដ្ឋចិន (CCTV) បានរាយការណ៍ថា ប្រធានាធិបតីចិន Xi Jinping និងប្រធានាធិបតីប៉ាឡេស្ទីន Mahmoud Abbas បានប្រកាសក្នុងអំឡុងពេលកិច្ចប្រជុំរបស់ពួកគេនៅទីក្រុងប៉េកាំងកាលពីថ្ងៃពុធអំពីការបង្កើតភាពជាដៃគូយុទ្ធសាស្ត្រទ្វេភាគី។
CCTV បានដកស្រង់សម្តីលោក Xi បាននិយាយថា ថ្ងៃនេះ យើងបានប្រកាសរួមគ្នាអំពីការបង្កើតភាពជាដៃគូយុទ្ធសាស្ត្រចិន-ប៉ាឡេស្ទីន ដែលនឹងក្លាយជាព្រឹត្តិការណ៍ដ៏សំខាន់ក្នុងប្រវត្តិសាស្ត្រនៃទំនាក់ទំនងទ្វេភាគី ។
ប្រធានាធិបតីចិនបានថ្លែងថា ទីក្រុងប៉េកាំងបានត្រៀមខ្លួនជាស្រេចដើម្បីឆ្លៀតយកឱកាសនេះដើម្បីបន្តកិច្ចសហប្រតិបត្តិការកម្រិតទូលំទូលាយជាមួយប៉ាឡេស្ទីនក្នុងវិស័យផ្សេងៗទៀត។
លោក Xi បានបន្ថែមថា ដោយបានជួបប្រទះការផ្លាស់ប្តូរជាសាកលសម័យកាល និងបញ្ហាប្រឈមថ្មីៗនៅមជ្ឈិមបូព៌ា ប្រទេសចិនបានត្រៀមខ្លួនជាស្រេចក្នុងការពង្រឹងការសម្របសម្រួល និងកិច្ចសហប្រតិបត្តិការរបស់ខ្លួនជាមួយប៉ាឡេស្ទីន ដើម្បីលើកកម្ពស់ដំណោះស្រាយដ៏ទូលំទូលាយ យុត្តិធម៌ និងយូរអង្វែងនៃបញ្ហាប៉ាឡេស្ទីន។
លោក Abbas កំពុងបំពេញទស្សនកិច្ចជាផ្លូវការនៅប្រទេសចិនចន្លោះពីថ្ងៃទី១៣ ដល់ថ្ងៃទី១៦ ខែមិថុនា តាមការអញ្ជើញរបស់លោក Xi ៕
