មន្ត្រីអ៊ុយក្រែនបាននិយាយថា យ៉ាងហោចណាស់មនុស្ស 43 នាក់ រួមមានកុមារ 12 នាក់បានរងរបួស បន្ទាប់ពីការវាយប្រហាររបស់រុស្ស៊ីលើទីក្រុងតូចមួយនៃ Pervomaiskyi ក្នុងតំបន់ Kharkiv ភាគឦសាន។
អភិបាលតំបន់ Oleh Syniehubov បាននិយាយថា ការវាយប្រហារបានកើតឡើងនៅម៉ោងប្រហែល 1.35 នាទីរសៀល ម៉ោងនៅទីក្រុង Kyiv (10:35 GMT) កាលពីថ្ងៃអង្គារ។
យ៉ាងណាមិញ រុស្ស៊ីមិនបានធ្វើអត្ថាធិប្បាយភ្លាមៗអំពីការវាយប្រហារនោះទេ។
ទីក្រុងមូស្គូ តែងតែបដិសេធថាមិនមានចេតនាកំណត់គោលដៅលើជនស៊ីវិល ប៉ុន្តែការវាយប្រហារដោយមីស៊ីល និងយន្តហោះគ្មានមនុស្សបើកបានវាយប្រហារទីក្រុងជាច្រើនដងនៅទូទាំងប្រទេសអ៊ុយក្រែន ចាប់តាំងពីវាបានចាប់ផ្តើមការលុកលុយពេញលេញរបស់ខ្លួនកាលពីខែកុម្ភៈឆ្នាំមុន។
កាលពីខែមុន កាំជ្រួចរបស់រុស្ស៊ីបានវាយប្រហារភោជនីយដ្ឋានភីហ្សាមួយកន្លែងនៅភាគខាងកើតនៃទីក្រុង Kramatorsk ដោយបានសម្លាប់មនុស្ស 12 នាក់។ Victoria Amalina អ្នកនិពន្ធដ៏ល្បីល្បាញ និងអ្នកស្រាវជ្រាវឧក្រិដ្ឋកម្មសង្រ្គាម ដែលរងរបួសយ៉ាងធ្ងន់ធ្ងរក្នុងការវាយប្រហារនោះ បានស្លាប់ដោយសាររបួសរបស់នាងកាលពីថ្ងៃទី 1 ខែកក្កដា៕
