អាមេរិកយល់ព្រមលក់យន្តហោះចម្បាំង F-16 ចំនួន ៨ គ្រឿង និងឧបករណ៍ពាក់ព័ន្ធទៅប៊ុលហ្គារី!
រដ្ឋបាលលោក Biden បានអនុម័តកាលពីថ្ងៃចន្ទលើការលក់ដ៏មានសក្តានុពលទៅឱ្យប៊ុលហ្គារីនូវយន្តហោះចម្បាំង F-16 ចំនួនប្រាំបីគ្រឿង និងឧបករណ៍ពាក់ព័ន្ធនៅក្នុងកិច្ចព្រមព្រៀងដែលប៉ាន់ស្មានថាមានតម្លៃ 1.673 ពាន់លានដុល្លារ។
កិច្ចព្រមព្រៀងនេះរួមមានយន្តហោះ F-16 C Block 70 ចំនួនបួនគ្រឿង និងយន្តហោះ F-16 D Block 70 ចំនួន 4 គ្រឿង ព្រមទាំងម៉ាស៊ីន F100-GE-129D ចំនួន 11 គ្រឿង និងឧបករណ៍ជាច្រើនរួមទាំងកាំជ្រួចហ្វឹកហាត់ កាំជ្រួចពីអាកាស និងមួកសុវត្ថិភាព។ នេះបើតាមសេចក្តីថ្លែងការណ៍របស់ទីភ្នាក់ងារសហប្រតិបត្តិការសន្តិសុខការពារជាតិ (DSCA)។
DSCA បាននិយាយនៅក្នុងសេចក្តីថ្លែងការណ៍មួយថា ការលក់ដែលបានស្នើឡើងនឹងធ្វើឱ្យប្រសើរឡើងនូវសមត្ថភាពរបស់ប្រទេសប៊ុលហ្គារីក្នុងការទប់ទល់នឹងការគំរាមកំហែងនាពេលបច្ចុប្បន្ន និងអនាគត ដោយអនុញ្ញាតឱ្យកងកម្លាំងអាកាសប៊ុលហ្គារីដាក់ពង្រាយយន្តហោះចម្បាំងទំនើបៗជាប្រចាំនៅក្នុងតំបន់សមុទ្រខ្មៅ”។
គួរបញ្ជាក់ថា Lockheed Martin ដែលជាក្រុមហ៊ុនផលិតយន្តហោះ F-16 នឹងក្លាយជាអ្នកម៉ៅការសំខាន់លើកិច្ចព្រមព្រៀងនេះ៕
