OceanGate ផ្អាកការរុករក និងប្រតិបត្តិការពាណិជ្ជកម្មទាំងអស់ បន្ទាប់ពីគ្រោះមហន្តរាយរង Titan!
OceanGate បានប្រកាសកាលពីថ្ងៃព្រហស្បតិ៍ពីការផ្អាក “ប្រតិបត្តិការរុករក និងពាណិជ្ជកម្មទាំងអស់” នៅលើគេហទំព័ររបស់ខ្លួន។
ការសម្រេចចិត្តនេះ កើតឡើងបន្ទាប់ពីនាវាមុជទឹក Titan បានរងគ្រោះមហន្តរាយក្នុងអំឡុងពេលបេសកកម្មទៅលើកប៉ាល់ Titanic កាលពីខែមុន។
គ្រោះមហន្តរាយនេះបានធ្វើឲ្យនាយកប្រតិបត្តិរបស់ក្រុមហ៊ុន និងអ្នកដំណើរបួននាក់ស្លាប់។
ការទំនាក់ទំនងជាមួយនាវាមុជទឹក Titan ដែលគ្រប់គ្រង និងដំណើរការដោយ OceanGate Expeditions ដែលជាក្រុមហ៊ុនស្រាវជ្រាវឯកជន និងក្រុមហ៊ុនទេសចរណ៍ផ្សងព្រេងក្នុងមហាសមុទ្រដែលបានធ្វើទស្សនកិច្ចអ្នកទេសចរទៅកាន់ការលិចកប៉ាល់ទីតានិកនៅមហាសមុទ្រអាត្លង់ទិកកាលពីថ្ងៃទី 18 ខែមិថុនាត្រូវបានកាត់ផ្តាច់ភ្លាមៗបន្ទាប់ពីការមុជទឹក។
ក្រោយមក ការសិក្សាបានកំណត់ថា នាវាមុជទឹកបានផ្ទុះ ហើយមនុស្ស ៥ នាក់នៅលើនាវានោះត្រូវបានសម្លាប់ទាំងអស់៕
