កំពូលខ្សែប្រយុទ្ធ Cristiano Ronaldo អះអាងថា Saudi Pro League គឺល្អជាង Major League Soccer បន្ទាប់ពី Lionel Messi ផ្លាស់ទៅ Inter Miami ហើយនិយាយថាគាត់នឹងមិនលេងនៅអឺរ៉ុបទៀតទេ។
ជាការពិតណាស់ Ronaldo បានធ្វើការផ្លាស់ប្តូរដ៏គួរឱ្យភ្ញាក់ផ្អើលទៅកាន់ Al-Nassr កាលពីខែធ្នូឆ្នាំមុន បន្ទាប់ពីកិច្ចសន្យារបស់គាត់ជាមួយ Manchester United ត្រូវបានបញ្ចប់។
ក្រោយមក មានកីឡាករល្បីៗជាច្រើនបានដើរតាមគន្លងរបស់ Ronaldo នៅរដូវក្តៅនេះរួមមាន Karim Benzema, N’Golo Kante, Roberto Firmino និងអតីតប្រធានក្រុម Liverpool Steven Gerrard ក្នុងចំណោមអ្នកដែលបានផ្លាស់ទៅអារ៉ាប៊ីសាអូឌីត។
ទន្ទឹមនឹងនោះ Messi បានជ្រើសរើសផ្លូវផ្សេង ខណៈដែលគាត់ត្រូវបានបង្ហាញជាកីឡាករចំណូលថ្មីរបស់ Inter Miami នៅល្ងាចថ្ងៃអាទិត្យ បន្ទាប់ពីម្ចាស់ជើងឯក World Cup អាហ្សង់ទីនរូបនេះ បានជ្រើសរើសចាកចេញពី Paris Saint-Germain លើការផ្ទេរដោយឥតគិតថ្លៃកាលពីដើមរដូវក្តៅនេះ។
ថ្លែងបន្ទាប់ពីក្រុម Al-Nassr ត្រូវបានក្រុម Celta Vigo យកឈ្នះក្នុងលទ្ធផល 5-0 ក្នុងការប្រកួតមិត្តភាពមុនបើករដូវកាលកាលពីល្ងាចថ្ងៃចន្ទ Ronaldo បានច្រានចោលទាំងស្រុងនូវការវិលត្រឡប់ទៅកាន់បាល់ទាត់អឺរ៉ុបវិញ ហើយជឿជាក់ថា លីកជាច្រើនបានធ្លាក់ចុះគុណភាព។
នៅចំពោះមុខសារព័ត៌មាន Ronaldo បាននិយាយថា«
វាមិនអាចទៅរួចទេ» នៅពេលត្រូវបានសួរអំពីការវិលត្រឡប់ដ៏មានសក្តានុពលទៅកាន់ក្លឹបនៅអឺរ៉ុប។
លោកបន្តថា«ខ្ញុំមានអាយុ 38 ឆ្នាំកន្លះហើយ ហើយវាមិនមានតម្លៃទេ»។
«នៅក្នុងវិធីរបស់ខ្ញុំក្នុងការមើលបាល់ទាត់ ខ្ញុំគិតថាអឺរ៉ុបបានបាត់បង់គុណភាពច្រើន។ Saudi Pro League ជាលីគតែមួយគត់ដែលសម្រាប់ខ្ញុំមានគុណភាព»។
«លីគអេស្ប៉ាញមិនមានគុណភាពអស្ចារ្យនោះទេ។ លីគព័រទុយហ្គាល់ជាលីគល្អ ប៉ុន្តែវាមិនមែនជាលីគកំពូលទេ។ លីកអាល្លឺម៉ង់ខ្ញុំគិតថាក៏ចាញ់ច្រើនដែរ។ ខ្ញុំប្រាកដថាខ្ញុំនឹងមិនលេងនៅអឺរ៉ុបទៀតទេ។ ខ្ញុំចង់ទៅលេងនៅអារ៉ាប៊ីសាអូឌីត»។
នៅពេលសួរអំពីការផ្លាស់ប្តូរទៅ MLS Ronaldo បានឆ្លើយតបថា «ខ្ញុំគិតថាលីគអារ៉ាប៊ីសាអូឌីតល្អជាងសហរដ្ឋអាមេរិកក្រុមរបស់ខ្ញុំគឺ Al-Nassr»។
