យោងតាមប្រព័ន្ធផ្សព្វផ្សាយរដ្ឋបានឱ្យដឹងថា រដ្ឋាភិបាលចិនបានដកលោក Qin Gang ចេញពីមុខតំណែងជារដ្ឋមន្ត្រីការបរទេស ហើយជំនួសគាត់ដោយអ្នកកាន់តំណែងមុនរបស់គាត់គឺលោក Wang Yi ។
ទីភ្នាក់ងារសារព័ត៌មាន Xinhua បានរាយការណ៍ថា សភាកំពូលរបស់ប្រទេសចិន បានបោះឆ្នោតជ្រើសរើសលោក Wang Yi ជារដ្ឋមន្ត្រីការបរទេស ខណៈដែលលោក Qin Gang ត្រូវបានដកចេញពីមុខតំណែងជារដ្ឋមន្ត្រីការបរទេស។
ការប្រកាសនេះបានកើតឡើងមួយខែបន្ទាប់ពីការបង្ហាញខ្លួនជាសាធារណៈលើកចុងក្រោយរបស់លោក Qin។
អំឡុងពេលព័ត៌មានពេលល្ងាចរបស់ទូរទស្សន៍រដ្ឋ ទូរទស្សន៍ CCTV របស់រដ្ឋមិនបានផ្តល់ហេតុផលសម្រាប់ការដកចេញរបស់លោក Qin ទេ។
គួរជម្រាបថា លោក Qin Gang ត្រូវបានគេចាត់ទុកថាជាមនុស្សដ៏ស្និទ្ធស្នាលរបស់ប្រធានាធិបតីចិន Xi Jinping ហើយត្រូវបានគេចាត់ទុកថាជាតារារះក្នុង CCP។ ហើយត្រូវបានតែងតាំងជារដ្ឋមន្ត្រីការបរទេសនៅខែធ្នូ ឆ្នាំ 2022។
យ៉ាងណាមិញ ការបង្ហាញខ្លួនជាសាធារណៈចុងក្រោយរបស់លោក Qin ចាប់តាំងពីថ្ងៃទី 25 ខែមិថុនា នៅពេលដែលគាត់ធ្វើជាម្ចាស់ផ្ទះជាមួយសមភាគីរុស្ស៊ី ស្រីលង្កា និងវៀតណាម។
ជាមួយគ្នានោះ លោក Qin ក៏បានជួបជាមួយសមភាគីអាមេរិកលោក Antony Blinken នៅទីក្រុងប៉េកាំងកាលពីដើមខែមុន ហើយបានត្រួតពិនិត្យការបន្តទំនាក់ទំនងការទូតរវាងអារ៉ាប៊ីសាអូឌីត និងអ៊ីរ៉ង់ក្នុងខែមីនា៕
