ប្រមុខការពារជាតិអាហ្រ្វិកខាងលិច បានបង្កើតផែនការមួយសម្រាប់អន្តរាគមន៍យោធាដ៏មានសក្តានុពលដើម្បីបញ្ច្រាសរដ្ឋប្រហារកាលពីសប្តាហ៍មុននៅក្នុងប្រទេសនីហ្សេ រួមទាំងរបៀប និងពេលណាដែលត្រូវដាក់ពង្រាយកងកម្លាំង។
សហគមន៍សេដ្ឋកិច្ចនៃរដ្ឋអាហ្រ្វិកខាងលិច (ECOWAS) នឹងមិនបង្ហាញប្រាប់អ្នករៀបចំផែនការធ្វើអន្តរាគមន៍យោធានៅពេលណា និងទីកន្លែងណានោះទេ ប៉ុន្តែ លោក Abdel-Fatau Musah ស្នងការ ECOWAS ទទួលបន្ទុកកិច្ចការនយោបាយ សន្តិភាព និងសន្តិសុខ បាននិយាយកាលពីថ្ងៃសុក្រថា ការសម្រេចចិត្តនឹងត្រូវធ្វើឡើងដោយ ប្រមុខរដ្ឋរបស់ប្លុក។
លោក Musah បាននិយាយនៅពេលបិទកិច្ចប្រជុំរយៈពេលបីថ្ងៃនៅក្នុងរដ្ឋធានី Abuja របស់ប្រទេសនីហ្សេរីយ៉ាថា «ធាតុទាំងអស់ដែលនឹងចូលទៅក្នុងអន្តរាគមន៍ជាយថាហេតុណាមួយត្រូវបានដំណើរការនៅទីនេះ រួមទាំងធនធានដែលត្រូវការ របៀប និងពេលណាដែលយើងនឹងដាក់ពង្រាយកម្លាំង»។
គួរជម្រាបថា ECOWAS បានដាក់ទណ្ឌកម្មលើប្រទេសនីហ្សេរួចហើយ ហើយបានព្រមានថា វាអាចអនុញ្ញាតិឱ្យប្រើប្រាស់កម្លាំងគ្រប់ពេល ប្រសិនបើមេដឹកនាំរដ្ឋប្រហារមិនស្តារអំណាចឱ្យប្រធានាធិបតីជាប់ឆ្នោត លោក Mohamed Bazoum ត្រឹមថ្ងៃអាទិត្យនេះ។
ទន្ទឹមនិងនោះ ប្រធានាធិបតីនីហ្សេរីយ៉ាលោក Bola Tinubu បានប្រាប់រដ្ឋាភិបាលរបស់លោកឱ្យរៀបចំដាក់ពង្រាយកងទ័ព នៅក្នុងលិខិតមួយផ្ញើជូនព្រឹទ្ធសភាកាលពីថ្ងៃសុក្រ ខណៈដែលប្រទេសសេណេហ្គាល់ ក៏បាននិយាយដែរថាខ្លួននឹងបញ្ជូនទ័ពផងដែរ។
ទោះជាយ៉ាងណា ក៏មានការគាំទ្រសម្រាប់គាត់ពីមេដឹកនាំយោធាផ្សេងទៀតនៅក្នុងប្រទេសជិតខាង ដូចជា ម៉ាលី និងប៊ូគីណាហ្វាសូ ដែលជាសមាជិក ECOWAS ទាំងពីរក្នុងការឆ្លើយតបក្នុងតំបន់ផងដែរ បន្ទាប់ពីប្រទេសទាំងពីរបាននិយាយថា ពួកគេនឹងមកការពារប្រទេសនីហ្សេក្នុងនាមជាបងប្អូន៕
