អេស្ប៉ាញបានយកឈ្នះអង់គ្លេស ២-១ កាលពីថ្ងៃអាទិត្យ ដើម្បីលើកពាន UEFA EURO 2024 នៅទីក្រុង Berlin។
កីឡាករអេស្ប៉ាញបានបង្ហូរឈាមដំបូងក្នុងវគ្គផ្តាច់ព្រ័ត្រនៅ Olympiastadion ។
Nico Williams ខ្សែបម្រើស្លាបរបស់អេស្ប៉ាញនៅស្លាបឆ្វេងបានរកគ្រាប់បាល់បើកឆាកឲ្យប្រទេសខ្លួននៅដើមតង់ទីពីរ។
Williams បានរត់ចូលទៅក្នុងក្នុងប្រអប់គ្រោះថ្នាក់របស់អង់គ្លេសរួចបានបំប៉ោងសំណាញ់បន្ទាប់ពីការបញ្ជូនបាល់ដ៏ល្អរបស់ Lamine Yamal ពីកណ្តាលលីង។
ទោះជាយ៉ាងណា អង់គ្លេសតាមស្មើវិញនៅនាទីទី៧៣ ធ្វើឱ្យលទ្ធផល១-១។
នៅនាទីទី 86 ខ្សែបម្រើប្រយុទ្ធរបស់អេស្ប៉ាញ Mikel Oyarzabal ដែលរងការពិន័យនៅតង់ទី 2 បានរកគ្រាប់បាល់ឈ្នះ បន្ទាប់ពីខ្សែការពារឆ្វេងសញ្ជាតិអេស្ប៉ាញ Marc Cucurella បញ្ជូនបាល់ទាបចូលទៅក្នុងប្រអប់ពិន័យ។
អេស្បាញបានរក្សាកំណត់ត្រាឈ្នះពាន EURO ជាលើកទីបួនរបស់ពួកគេ និងជាជើងឯកអឺរ៉ុបលើកដំបូងរបស់ពួកគេចាប់តាំងពីឆ្នាំ 2012។
ប្រទេសអង់គ្លេសដែលជាជើងឯករង EURO 2020 បានបញ្ចប់ការប្រកួត EURO 2024 ក្នុងចំណាត់ថ្នាក់លេខ 2 ម្តងទៀត។
ទន្ទឹមនឹងនេះដែរ ខ្សែបម្រើស្លាបសញ្ជាតិអេស្ប៉ាញ Yamal បានបង្កើតកំណត់ត្រាជាកីឡាករក្មេងបំផុតដែលបានបង្ហាញខ្លួននៅវគ្គផ្តាច់ព្រ័ត្រ EURO ។ Yamal ដែលជាតារារបស់ក្លឹប Barcelona ទើបតែមានអាយុ 17 ឆ្នាំ 1 ថ្ងៃដើម្បីបង្ហាញខ្លួនក្នុងវគ្គផ្តាច់ព្រ័ត្រឆ្នាំ 2024 ៕
