គួរជម្រាបថា ប្រទេស ហ្វាំងឡង់ និងស៊ុយអែត អាចនឹងចូលរួមជាមួយអង្គការណាតូក្នុងពេលឆាប់ៗនេះ ដែលទំនងជាធ្វើឱ្យទីក្រុងម៉ូស្គូខឹងសម្បារ ហើយក្រុមមន្ត្រីបាននិយាយថា នឹងគូសបញ្ជាក់បន្ថែមអំពីកំហុសយុទ្ធសាស្ត្ររបស់រុស្ស៊ីក្នុងការឈ្លានពានអ៊ុយក្រែន។
របាយការណ៍ដដែល បញ្ជាក់ថា ក្រុមមន្ត្រីអាមេរិក បាននិយាយថា ការចូលជាសមាជិកភាពអង្គការ NATO របស់ប្រទេសហ្វាំងឡង់ និងស៊ុយអែត គឺជាប្រធានបទសំខាន់នៃកិច្ចសន្ទនា ក្នុងអំឡុងពេលកិច្ចពិភាក្សារវាងរដ្ឋមន្ត្រីការបរទេសរបស់សម្ព័ន្ធមិត្ត កាលពីសប្តាហ៍មុន ដែលមានការចូលរួមដោយស៊ុយអែត និងហ្វាំងឡង់។
មន្ត្រីអង្គការណាតូ បានប្រាប់ CNN ថា ការពិភាក្សាអំពីស៊ុយអែត និងហ្វាំងឡង់ ចូលរួមប្លុកនេះ មានភាពធ្ងន់ធ្ងរខ្លាំង ចាប់តាំងពីការឈ្លានពានរបស់រុស្ស៊ី ហើយមន្ត្រីជាន់ខ្ពស់ក្រសួងការបរទេសអាមេរិក បាននិយាយថា បញ្ហានេះបានកើតឡើងនៅឯរដ្ឋមន្ត្រីការបរទេសណាតូក្នុងសប្តាហ៍នេះ ដែលមានការចូលរួមដោយរដ្ឋមន្ត្រីការបរទេសមកពីទីក្រុង Stockholm និង Helsinki ។
ក្រុមមន្ត្រីបាននិយាយថា ការពិភាក្សាបានគូសបញ្ជាក់អំពីវិសាលភាពដែលការលុកលុយរបស់ វ្ល៉ាឌីមៀ ពូទីន បានត្រឹមតែបម្រើដល់ការពង្រឹង និងបង្រួបបង្រួមសម្ព័ន្ធភាពណាតូប៉ុណ្ណោះ ដែលផ្ទុយស្រឡះពីគោលដៅដែលបានបញ្ជាក់របស់លោកពូទីន មុនពេលសង្រ្គាមចាប់ផ្តើម។ ប្រធានាធិបតីរុស្ស៊ីបានទាមទារឱ្យណាតូបញ្ឈប់ការពង្រីកតំបន់ភាគខាងកើត និងទទួលស្គាល់សមាជិកថ្មី ដោយចោទប្រកាន់ប្លុកនេះថាបានគំរាមកំហែងសន្តិសុខរុស្ស៊ី។ ផ្ទុយទៅវិញ អង្គការអូតង់បានបង្កើនការគាំទ្រដល់អ៊ុយក្រែន ហើយកំពុងរៀបចំស្វាគមន៍សមាជិកថ្មី៕
