អ៊ុយក្រែន អះអាងថា កម្លាំងការពារនៅទីក្រុង Mariupol មិនព្រមចុះចាញ់រុស្សុីទាំងស្រុងឡើយ!
ក្រសួងការពារជាតិរុស្ស៊ី បានអះអាងថា ទាហានជើងទឹកចំនួន ១,០២៦ នាក់នៃកងពលតូចម៉ារីនទី ៣៦ របស់អ៊ុយក្រែន រួមទាំងមន្ត្រី ១៦២ នាក់ នៅទីក្រុងកំពង់ផែ Mariupol ដែលឡោមព័ទ្ធ បានយល់ព្រមទម្លាក់អាវុធចុះចាញ់ខ្លួនទាំងស្រុង។
យោងតាមសេចក្តីថ្លែងការណ៍មួយ ក្រសួងការពារជាតិរុស្ស៊ី បានបញ្ជាក់ថា មួយផ្នែកធំនៅក្នុងទីក្រុង Mariupol ក្បែរតំបន់ Ilyich Iron និង Steel Works កងកម្លាំងប្រដាប់អាវុធរុស្ស៊ី បានទទួលជោគជ័យ ជាមួយនឹងកងជីវពលនៃសាធារណរដ្ឋប្រជាមានិត Donetsk ដោយទាហានអ៊ុយក្រែនចំនួន ១,០២៦ នាក់នៃកងពលតូចម៉ារីនទី ៣៦ ព្រមដាក់អាវុធចុះចាញ់។
យ៉ាងណាមិញ ក៏មានការអត្ថាធិប្បាយបដិសេដភ្លាមៗ ពីការិយាល័យប្រធានាធិបតីអ៊ុយក្រែន បុគ្គលិកទូទៅ នៃក្រសួងការពារជាតិអ៊ុយក្រែនថា កងម្លាំងការពារនៅទីក្រុង Mariupol មិនព្រមចុះចាញ់រុស្សុីទាំងស្រុងឡើយ។
គួរជម្រាបថា ការឈ្លានពានរបស់រុស្ស៊ីលើអ៊ុយក្រែនបានឈានចូលដល់ខែទីពីរហើយ ដោយមានអ្នកស្លាប់និងរបួសបានកើនឡើងទាំងសងខាង។ ហើយកងកម្លាំងរបស់អ៊ុយក្រែននៅតែបន្តទប់ទល់ ខណៈពេលដែលប្រធានាធិបតីរបស់ខ្លួន Volodymyr Zelenskyy អំពាវនាវជាទៀងទាត់ដល់ពិភពលោកឱ្យបន្តផ្តល់ជំនួយបន្ថែមទៀត។ ខណៈដែលប្រទេសលោកខាងលិច និងជុំវិញពិភពលោកបានដាក់ទណ្ឌកម្មយ៉ាងធ្ងន់ធ្ងរប្រឆាំងនឹងទីក្រុងមូស្គូ ប៉ុន្តែវាមិនបានបញ្ឈប់ការអន្តរាគមន៍ឡើយ ផ្ទុយទៅវិញ រឹតតែបង្កើនការភ័យខ្លាចនៃការបង្កឱ្យមានជម្លោះកាន់តែទូលំទូលាយ។
ទន្ទឹមនឹងនេះ ការកើនឡើងហានិភ័យភូមិសាស្ត្រនយោបាយ និងទីផ្សារថាមពល និងហិរញ្ញវត្ថុដែលងាយនឹងបង្កជាហេតុកំពុងអង្រួនអាស៊ី៕
