អ្នកចរចាជាន់ខ្ពស់អ៊ុយក្រែនកាលពីថ្ងៃពុធបានស្នើឱ្យធ្វើកិច្ចចរចាពិសេសជាមួយរុស្ស៊ីនៅទីក្រុង Mariupol ដោយគ្មានលក្ខខណ្ឌក្នុងគោលបំណងដើម្បីជម្លៀសកងទ័ព និងជនស៊ីវិលចេញពីទីក្រុងកំពង់ផែដែលឡោមព័ទ្ធ។
អ្នកចរចា លោក Mykhailo Podolyak បានសរសេរនៅលើ Twitter កាលពីថ្ងៃពុធថា កិច្ចពិភាក្សាអាចជា “មួយទល់នឹងមួយ ឬពីរនៅលើពីរ។ ដើម្បីជួយសង្រ្គោះយុវជនរបស់យើងដូចជាយោធា ជនស៊ីវិល កុមារ អ្នករស់ និងរបួស”។
អ៊ុយក្រែនបានចោទប្រកាន់កងកម្លាំងរុស្ស៊ីកាលពីថ្ងៃពុធពីការខកខានមិនបានគោរពតាមកិច្ចព្រមព្រៀងបទឈប់បាញ់ដើម្បីអនុញ្ញាតឱ្យជនសុីវិលស្ត្រី កុមារ និងមនុស្សចាស់មួយចំនួនធំភៀសខ្លួនចេញពីទីក្រុង ដែលត្រូវបានកម្ទេចដោយកងកម្លាំងរុស្ស៊ី។
មន្ត្រីអ៊ុយក្រែនបាននិយាយកាលពីព្រឹកថ្ងៃពុធថាពួកគេបានធានាកិច្ចព្រមព្រៀងរបស់រុស្ស៊ីក្នុងការបើកច្រករបៀងសុវត្ថិភាពចេញពីទីក្រុង Mariupol ។ ពួកគេសង្ឃឹមថានឹងប្រើប្រាស់ឡានក្រុងចំនួន 90 គ្រឿងដើម្បីជម្លៀសប្រជាជនប្រហែល 6,000 នាក់ក្នុងចំណោមជនស៊ីវិល 100,000 ដែលត្រូវបានគេជឿថានៅតែជាប់នៅទីនោះ។
យ៉ាងណាមិញ នៅមិនទាន់មានការឆ្លើយតបពីសំណាក់រុស្សុីភ្លាមៗនៅឡើយទេ នៅថ្ងៃនេះ៕
