មនុស្សម្នាក់ស្លាប់ និង ២៧ នាក់ទៀតកំពុងបាត់ខ្លួន ក្រោយលិចនាវាដឹកមីសុីល Moskva!
មូស្គូ៖ រុស្ស៊ីបាននិយាយនៅថ្ងៃសុក្រ (២២ មេសា) ថា សមាជិកនាវិកម្នាក់បានស្លាប់ និង ២៧ នាក់កំពុងបាត់ខ្លួន បន្ទាប់ពីនាវាដឹកមីស៊ីល Moskva បានលិចកាលពីសប្តាហ៍មុន ដែលជាការទទួលស្គាល់ជាលើកដំបូងរបស់ទីក្រុងម៉ូស្គូចំពោះការបាត់បង់បន្ទាប់ពីសោកនាដកម្មនេះ។
នាវាចម្បាំងនៃកងនាវាចរសមុទ្រខ្មៅរបស់រុស្ស៊ីបានដឹកនាំកិច្ចខិតខំប្រឹងប្រែងកងទ័ពជើងទឹករបស់រុស្ស៊ីនៅក្នុងជម្លោះជិតពីរខែនៅក្នុងប្រទេសអ៊ុយក្រែនដោយដើរតួនាទីកណ្តាលក្នុងការឡោមព័ទ្ធទីក្រុងកំពង់ផែ Mariupol ។
ក្រសួងការពារជាតិរុស្ស៊ីបាននិយាយនៅក្នុងសេចក្តីថ្លែងការណ៍ដែលធ្វើឡើងដោយទីភ្នាក់ងារសារព័ត៌មានរុស្ស៊ីកាលពីល្ងាចថ្ងៃសុក្រថា ជាលទ្ធផលនៃអគ្គីភ័យនៅថ្ងៃទី 13 ខែមេសា នាវាដឹកមីស៊ីល Moskva ត្រូវបានខូចខាតយ៉ាងធ្ងន់ធ្ងរដោយសារតែការបំផ្ទុះគ្រាប់រំសេវ។
យ៉ាងណាមិញ មន្ត្រីជាន់ខ្ពស់មន្ទីរបញ្ចកោណបាននិយាយថា នាវាចម្បាំង Moskva ត្រូវបានវាយប្រហារដោយកាំជ្រួចរបស់អ៊ុយក្រែនចំនួនពីរ មុនពេលវាលិចនៅក្នុងសមុទ្រខ្មៅ៕
