លោកឧត្តមសេនីយ៍ស្នងការ ឯម កុសល អអញ្ជើញគោរពវិញ្ញាណក្ខន្ធ និងបំពាក់ឋានន្តរស័ក្តិ ជាជាជាកិច្ចបច្ឆាមរណៈជូនសពលោកនាយប៉ុស្តិ៍កោះរការ
(កំពង់ចាម) ៖ នារសៀលថ្ងៃ២៦ ខែមេសា ឆ្នាំ២០២២ នេះ ឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាម បានដឹកនាំ លោក-លោកស្រី ស្នងការរង នាយការិ.ជំនាញ លោកអធិការនគរបាលស្រុក និងមន្រ្តីនគរបាល នៃស្នងការដ្ឋាននគរបាលខេត្ត បាន ចូលរួមគោរពវិញ្ញាណក្ខន្ធសព និងបំពាក់ឋានន្តរស័ក្តិ ជាកិច្ចបច្ឆាមរណៈថ្នាក់វរសេនីយ៍ទោ ជូនសពលោកវរសេនីយ៍ត្រី ទឹម សុធា នាយប៉ុស្តិ៍នគរបាលរដ្ឋបាលកោះរការ នៃអធិការដ្ឋាននគរបាលស្រុកកំពង់សៀម ដែលបានទទួលមរណៈភាព កាលពីយប់ថ្ងៃអាទិត្យ ទី២៤ ខែមេសា ឆ្នាំ២០២២ វេលាម៉ោង ០២:១៣នាទីយប់ ក្នុងជន្មាយុ ៥២វស្សា ដោយពលីក្នុងពេលបំពេញបេសកកម្មការងារជួបឧបទ្ទវហេតុគ្រោះថ្នាក់ចរាចរណ៍ ។
ក្នុងឱកាសដ៍ក្រៀមក្រំនោះដែរ លោកឧត្តមសេនីយ៍ ឯម កុសល ក៍បាននាំយកបច្ច័យ និងគ្រឿងឧបភោគបរិភោគដ៍ជ្រះថ្លារបស់ឯកឧត្ដម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិមាន ថវិកាចំនួន ៦,០០០,០០០ រៀល អង្ករ០១បេ(៥០គីឡូក្រាម) ទឹកក្រូច០៤កេស មី០២កេស ទឹកសុទ្ធ០២កេស ម៉ាស់៨ប្រអប់ ដេីម្បីចូលរួមក្នុងពធីបុណ្យសព ដែលសរុបជាបច្ច័យរួម ចំនួន ៦,៣០០,០០០រៀល ។
បន្ទាប់ពីដឹកនាំកងម្លាំងគោរពវិញ្ញាណក្ខន្ធសពលោកនាយប៉ុស្តិ៍កោះរការ លោកឧត្តមសេនីយ៍ស្នងការក៍បាន អមដំណេីរ ឯកឧត្ដម អ៊ុន ចាន់ដា អភិបាលនៃគណៈអភិបាលខេត្តកំពង់ចាម អញ្ជេីញគោរពវិញ្ញាណក្ខន្ធសព ផងដែរ ៕
