កាសែត New York Post របស់សហរដ្ឋអាមេរិកបានអះអាងថាប្រធានាធិបតីរុស្ស៊ី លោក វ្ល៉ាឌីមៀ ពូទីន អាចនឹងទទួលការវះកាត់មហារីក ខណៈកំពុងប្រគល់អំណាចជាបណ្ដោះអាសន្នទៅឱ្យលេខាធិការក្រុមប្រឹក្សាសន្តិសុខរបស់ប្រទេសនេះ លោក Nikolai Patrushev។
កាសែត New York Post បានរាយការណ៍ដោយដកស្រង់បណ្តាញ Telegram ដែលរាយការណ៍ថាដំណើរការដោយអតីតឧត្តមសេនីយឯកនៃសេវាស៊ើបការណ៍បរទេសរុស្ស៊ី ទីភ្នាក់ងារសារព័ត៌មាន ANI បានរាយការណ៍ថាលោក Putin ត្រូវបានគេរាយការណ៍ថាត្រូវបានប្រាប់ដោយវេជ្ជបណ្ឌិតថាគាត់ត្រូវតែទទួលការវះកាត់បន្ទាន់។ ហើយ របាយការណ៍បាននិយាយថា ការវះកាត់និងការជាសះស្បើយដែលរំពឹងទុកនឹងធ្វើឱ្យលោកពូទីនអសមត្ថភាពក្នុងរយៈពេលខ្លី។
ទន្ទឹមនោះមានការសាកសួរជាច្រើនលើលោក ពូទីន ដែលបច្ចុប្បន្នមានវ័យ ៧០ ឆ្នាំអំពីសុខភាពរាងកាយទ្រុឌទ្រោមរបស់លោក ជាពិសេសគឺកាលពីខែមុន នៅពេលដែលលោកត្រូវបានគេមើលឃើញថាកំពុងកាន់តុ ក្នុងអំឡុងពេលកិច្ចប្រជុំជាមួយរដ្ឋមន្ត្រីការពារជាតិលោក Sergei Shoigu ។
គួរបញ្ជាក់ថា រហូតមកដល់ពេលនេះសង្គ្រាមលុកលុយរបស់រុស្ស៊ីលើអ៊ុយក្រែនដែលលោកប្រធានាធិបតី វ្ល៉ាឌីមៀ ពូទីន ហៅថាជា “ប្រតិបត្តិការយោធាពិសេស” បានអូសបន្លាយពេលជាង ២ ខែមកហើយ បន្ទាប់ពីទីក្រុងមូស្គូបានចាប់ផ្ដើមការវាយប្រហារលើទីក្រុងកៀវកាលពីថ្ងៃទី ២៤ ខែកុម្ភៈ៕
