Al Jazeera បានថ្កោលទោសការវាយប្រហារដោយកងកម្លាំងអ៊ីស្រាអែលលើពិធីបុណ្យសពរបស់អ្នកកាសែត Shireen Abu Akleh ដែលបានស្លាប់។
អ្នកកាសែតជើងចាស់ Al Jazeera ត្រូវបានសម្លាប់ដោយកងកម្លាំងអ៊ីស្រាអែលកាលពីថ្ងៃពុធ ខណៈដែលអ្នកស្រីកំពុងបំពេញភារកិច្ចកំឡុងការលុកលុយរបស់អ៊ីស្រាអែលនៅក្នុងជំរុំជនភៀសខ្លួន Jenin នៅតំបន់ West Bank ។
គួរជម្រាបថា កាលពីថ្ងៃសុក្រ មនុស្សរាប់ពាន់នាក់បានប្រមូលផ្តុំគ្នាដើម្បីចូលរួមក្នុងពិធីបុណ្យសពដែលកងកម្លាំងអ៊ីស្រាអែលមិនអនុញ្ញាត។ ក្នុងវីដេអូដ៏គួរឲ្យរន្ធត់ដែលបានចាក់ផ្សាយផ្ទាល់តាមទូរទស្សន៍ Al Jazeera កងកម្លាំងអ៊ីស្រាអែលបានវាយអ្នកកាន់ទុក្ខ រួមទាំងអ្នកដែលដឹកសពអ្នកស្រី Abu Akleh ស្ទើរតែធ្វើឲ្យពួកគេទម្លាក់មឈូសចោល។
យ៉ងណាមិញ អ្នកជំនាញសិទ្ធិមនុស្សអង្គការសហប្រជាជាតិក៏បានថ្កោលទោសការសម្លាប់អ្នកស្រី Abu Akleh ហើយបានអំពាវនាវឱ្យមាន “ការស៊ើបអង្កេតភ្លាមៗ ឯករាជ្យ មិនលំអៀង មានប្រសិទ្ធភាព ហ្មត់ចត់ និងតម្លាភាព” ចំពោះការស្លាប់របស់នាង៕
