ប្រធានក្រុមការងារគណបក្សប្រជាជនកម្ពុជាចុះជួយមូលដ្ឋានឃុំទួលសំបួរ ដឹកនាំដង្ហែរក្បួនបើកយុទ្ធនាការបោះឆ្នោតក្រុមប្រឹក្សាឃុំសង្កាត់ អាណត្តិទី៥!
កំពង់ចាម ៖ នៅព្រឹកថ្ងៃទី២១ ខែឧសភា ឆ្នាំ២០២២ គណ:កម្មការ (ខ២៧) បានរៀបចំពិធីបេីកយុទ្ធនាការឃោសនាបោះឆ្នោតជ្រេីសរេីសក្រុមប្រឹក្សាឃុំទួលសំបួរ អាណត្តិទី៥ ឆ្នាំ២០២២ នៅឃុំទួលសំបួរ ស្រុកស្ទឹងត្រង់ តាមការកំណត់របស់គណ:កម្មាធិការជាតិរៀបចំការបោះឆ្នោត(គ.ជ.ប) ជាថ្ងៃទី១ សម្រាប់ធ្វើពិធីបេីកយុទ្ធនាការឃោសនាបោះឆ្នោត ។
កម្មវិធីនេះ លោក ឯម កុសល សមាជិកអចិន្ត្រៃយ៍គណ:កម្មាធិការគណបក្សខេត្ត អនុប្រធានក្រុមការងារគណបក្សចុះជួយមូលដ្ឋានស្រុកស្ទឹងត្រង់ និងជាប្រធានក្រុមការងារចុះជួយមូលដ្ឋានឃុំទួលសំបួរ និងជាតំណាងគណៈអចិន្ត្រៃយ៍គណបក្សខេត្ត និងមានការអញ្ជេីញចូលរួមពី លោក ជេត សំអឿន ក្រុមការងារគណបក្សស្រុកចុះជួយឃុំទួលសំបួរ និងលោក វា ស្រេង ប្រធានគណបក្សមូលដ្ឋានឃុំទួលសំបួរ ជាគណ:អធិបតីក្នុងពិធី ។
កម្មវិធីនេះដែរមានការចូលរួមពី៖ លោក-លោកស្រី ប្រធាន អនុប្រធាន ក្រុមការងារ និងសមាជិកស ចុះជួយភូមិទាំង៤ និងសមាជិក សមាជិកាគណបក្សប្រជាជនកម្ពុជា សរុបចំនួន៣៦០នាក់ ។
ក្នុងកិច្ចដំណេីរការនៃកម្មវិធីនេនេះលោកក៏បានចាត់ចែងរៀបចំ និងឧបត្ថម្ភនូវ
១-ឧបត្ថម្ភដល់សមាជិក សមាជិកាគណបក្ស ដែលបានចូលរួមក្នុង០១នាក់ ទទួលបាន អាវ+បួកបក្ស០១ នំបុ័ង០១ដេីម មី០១កំប៉ុង ទឹកសុទ្ធ០១ដប ទឹកក្រូច១កំប៉ុង ម៉ាស០១កញ្ជប់ និងថវិកា ១០,០០០រៀល ។
២-បាននាំយកទេយ្យវត្ថុ ទេយ្យទាន ប្រគេនដល់ព្រះសង្ឃ គង់នៅវត្ដឧបុលគិរី ហៅវត្តទួលសំបួរ ស្រុកស្ទឹងត្រង់ មានដូចជា អង្ករ៥០គីឡូ ស្លាដក់០១ឈុត ទឹកក្រូច២កេស មី០២កេស ទឹកសុទ្ធ០២កេស ទឹកស៉ីអ៉ីវ១យួរ ទឹកត្រី១យួរ ត្រីខ២យួរ ម៉ាស៨ប្រអប់ សាប៊ូ០១កេស ប្រគេនបច្ច័យព្រះសង្ឃ ២០០,០០០រៀល ជូនបច្ច័យតាអាចារ្យ ០៥នាក់ ក្នុងម្នាក់ទទួលបាន ៣០,០០០រៀល ។
៣-ឧបត្ថម្ភដល់ស្នាក់ការបក្ស អង្ករ២៥គីឡូ (ចំនួន០២បេ) ទឹកក្រូច០២កេស មី០២កេស ត្រីខ០២យួរ ទឹកសុទ្ធ២០យួរ ម៉ាស០៤ប្រអប់ សាប៊ូ០៤យួរ ថវិកា ២០០,០០០ រៀល ។
៤-ចំណាយផ្សេងៗ លេីការរៀបចំបេីកយុទ្ធនាការ ដូចជាការ ជួលរោង មេក្រូ កៅអី រថយន្តដង្ហែ ប៉ាដាតូច-ធំ ទង់ជាតិ បក្សគ្រឿងឧបភោគបរិភោគ និងសម្ភារ:ផ្សេងៗ មួយចំនួនផ្សេងទៀត ផងដែរ ។ សរុបលេីការចំណាយទាំងអស់ ចំនួន ១២,៧៩៧,០០០ រៀល ៕
