ប្រព័ន្ធផ្សព្វផ្សាយរដ្ឋរបស់អ៊ីរ៉ង់បានរាយការណ៍ថា កងកម្លាំងអ៊ីរ៉ង់បានរឹបអូសយកនាវាដឹកប្រេងក្រិកពីរគ្រឿងនៅឈូងសមុទ្រកាលពីថ្ងៃសុក្រ ភ្លាមៗបន្ទាប់ពីក្រុងតេអេរ៉ង់បានព្រមានថា ខ្លួននឹងចាត់វិធានការដាក់ទណ្ឌកម្មប្រឆាំងនឹងក្រុងអាថែន ជុំវិញការរឹបអូសយកប្រេងអ៊ីរ៉ង់ដោយសហរដ្ឋអាមេរិកពីកប៉ាល់ដឹកប្រេងដែលបានកាន់កាប់នៅឆ្នេរសមុទ្រក្រិក។
ឆ្មាំបដិវត្តន៍អ៊ីរ៉ង់ (IRGC) បាននិយាយនៅក្នុងសេចក្តីថ្លែងការណ៍មួយនៅលើគេហទំព័រផ្លូវការរបស់ពួកគេកាលពីថ្ងៃសុក្រថា ពួកគេបានរឹបអូសយកនាវាដឹកប្រេងក្រិកចំនួនពីរនៅក្នុងឈូងសមុទ្រអារ៉ាប់ “ដោយសារតែការរំលោភដែលត្រូវបានប្រព្រឹត្ត” ។ សេចក្តីថ្លែងការណ៍នេះមិនបានបញ្ជាក់លម្អិតថាតើ«ការរំលោភបំពាន»មានអ្វីខ្លះទេ។
យ៉ាងណាមិញ ក្រិកបានឆ្លើយតបដោយការចោទប្រកាន់អ៊ីរ៉ង់ពី “ការប្លន់” បន្ទាប់ពី IRGC បាននិយាយថាពួកគេបានរឹបអូសយកនាវាដឹកប្រេងដែលមានទង់ក្រិកពីរនៅឈូងសមុទ្រថ្ងៃសុក្រ។
ក្រសួងការបរទេសក្រិកបាននិយាយនៅក្នុងសេចក្តីថ្លែងការណ៍មួយដោយព្រមានពលរដ្ឋក្រិកឱ្យជៀសវាងការធ្វើដំណើរទៅកាន់ប្រទេសអ៊ីរ៉ង់។ វាបាននិយាយថាខ្លួនបានតវ៉ាយ៉ាងខ្លាំងចំពោះឯកអគ្គរដ្ឋទូតអ៊ីរ៉ង់នៅទីក្រុងអាថែនប្រឆាំងនឹងការរឹបអូស “ដោយហិង្សា” ។
គួររំលឹកថា ហេតុការណ៍នេះបានកើតឡើងចំពេលមានជម្លោះរវាងប្រទេសទាំងពីរនៃការដឹកទំនិញប្រេងអ៊ីរ៉ង់នៅលើនាវាដឹកប្រេងដែលមានទង់ជាតិរុស្ស៊ីដែលត្រូវបានរឹបអូសនៅប្រទេសក្រិកកាលពីខែមេសា៕
