ស្នងការដ្ឋានខេត្តកំពង់ចាមបើកកិច្ចប្រជុំបន្ទាន់លេីការងារចាំបាច់ ក្នុងដែនសមត្ថកិច្ចគ្រប់គ្រង
ខេត្តកំពង់ចាម ៖ នៅរសៀលថ្ងៃទី៣០ ខែឧសភា ឆ្នាំ២០២២ លោកឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាម បានដឹកនាំកិច្ចប្រជុំដល់ លោក-លោកស្រី ស្នងការរង លោកអនុប្រធានផែន លោក-លោកស្រីនាយ នាយរងការិយាល័យ លោកអធិការនគរបាលស្រុក-ក្រុងទាំង១០ លោក-លោកស្រី អធិការរង ជាអនុប្រធាន(ស.២៧) លេីកិច្ចការងារបន្ទាន់ចាំបាច់មួយចំនួន ៖
១-ការត្រួតពិនិត្យលេីកិច្ចការពារ ក្នុងដំណាក់កាលយុទ្ធនាការឃោសនាបោះឆ្នោតជ្រេីសរេីសក្រុមប្រឹក្សាឃុំ-សង្កាត់ទី៥ ឆ្នាំ២០២២
២-ការគ្រប់គ្រងសភាពការណ៍បានល្អប្រសេីរ ក្នុងយុទ្ធនាការឃោសនាបោះឆ្នោត រយៈពេល១០ថ្ងៃកន្លមកនេះ និងពង្រឹងបន្ថែមទៀត ដេីម្បីធានាបាននូវ សន្តិសុខ សុវត្ថិភាព សណ្ដាប់ធ្នាប់សាធារណៈ ដល់គណបក្សនយោបាយ រហូតដល់ថ្ងៃបិទបញ្ចប់ក្នុងយុទ្ធនាការឃោសនាបោះឆ្នោត
៣-ពង្រឹងវិន័យរបស់កងកម្លាំងនគរបាលជាតិ និងក្រមសីលធម៌របស់ ភ្នាក់ងារសន្តិសុខ ការពារការបោះឆ្នោត ការប្រេីប្រាស់ឯកសណ្ឋានរបស់មន្រ្តីនគរបាល និងប្រជាការពារ កំឡុងថ្ងៃបោះឆ្នោត
៣-បែងចែងកម្លាំងនគរបាល និងត្រៀមអនុវត្ត ក្នុងកិច្ចការពារនៅតាមការិយាល័យបោះឆ្នោត ក្នុងកំឡុងថ្ងៃបោះឆ្នោត និងក្រោយពេលបោះឆ្នោត ឲ្យបានល្អប្រសេីរ
៤-គ្រប់គ្រងសភាពការណ៍ទូទៅក្នុងខេត្ត ទប់ស្កាត់មិនឲ្យមានភាពមិនប្រក្រតីកេីតឡេីង បង្ករឲ្យគ្មានសន្តិសុខ សុវត្ថិភាព សណ្ដាប់ធ្នាប់សារធារណៈ ដល់ប្រជាពលរដ្ឋក្នុងមូលដ្ឋានឡេីយ
៥-អំពាវនាវដល់កងកម្លាំងនគរបាល និងប្រជាការពារទាំងអស់ ត្រូវតែទៅចូលរួមបោះឆ្នោតឲ្យបានមុខគេ ក្នុងថ្ងៃបោះឆ្នោតក្រុមប្រឹក្សាឃុំ-សង្កាត់ នៅថ្ងៃទី០៥ មិថុនា ឆ្នាំ២០២២ បន្ទាប់មកអាចទៅបំពេញភារកិច្ច ក្នុងកិច្ចការពារការិយាល័យបោះឆ្នោត ដែលត្រូវបានចាត់តាំង ៕
