ផ្ទាំងគំនូរ Mona Lisa ត្រូវបានរងការវាយប្រហារ ប៉ុន្តែមិនមានគ្រោះថ្នាក់ នៅពេលដែលអ្នកទស្សនានៅសារមន្ទីរ Louvre ក្នុងទីក្រុងប៉ារីស បានព្យាយាមវាយកញ្ចក់ការពារផ្ទាំងគំនូរដ៏ល្បីល្បាញបំផុតរបស់ពិភពលោក និងបានគប់នំខេកពេញផ្ទៃរបស់វា។
ការិយាល័យរដ្ឋអាជ្ញាទីក្រុងប៉ារីសបាននិយាយកាលពីថ្ងៃចន្ទថា បុរសអាយុ 36 ឆ្នាំម្នាក់ត្រូវបានឃុំខ្លួនបន្ទាប់ពីឧប្បត្តិហេតុកាលពីថ្ងៃអាទិត្យហើយត្រូវបានបញ្ជូនទៅអង្គភាពផ្លូវចិត្តរបស់ប៉ូលីស។
វីដេអូដែលបានបង្ហោះលើបណ្តាញសង្គមបង្ហាញពីបុរសម្នាក់ពាក់សក់ពាក់ក្លែងធ្វើជាស្ត្រីវ័យចំណាស់ អង្គុយក្នុងរទេះរុញ។ ហើយបានលោតចេញពីកៅអីរុញហក់មកវាយកម្ទេចកញ្ចក់ការពារ និងបានគប់នំខេកបានបន្សល់ទុកនូវស្នាមប្រឡាក់ពណ៌សយ៉ាងច្បាស់ ប៉ុន្តែស្នាដៃដ៏ល្បីរបស់វិចិត្រករលោក Leonardo da Vinci មិនត្រូវបានខូចខាតឡើយ៕
