(ភ្នំពេញ)៖ សមត្ថកិច្ចបានឃាត់ខ្លួនជនសង្ស័យម្នាក់ ក្រោយពីលួចម៉ូតូបាន១ថ្ងៃ។
ការឃាត់ខ្លួននេះបានធ្វើឡើង នៅចំណុចឃុំអន្លង់រមៀត ស្រុកកណ្តាលស្ទឹង ខេត្តកណ្តាល កាលពីរសៀល ថ្ងៃទី២ខែមិថុនា ឆ្នាំ២០២២។
ជនសង្ស័យឈ្មោះ ផាន់ វណ្ណា ភេទប្រុសអាយុ៤១ឆ្នាំ ស្រុកកំណេីតនៅខេត្តកំពត។
រីឯជនរងគ្រោះឈ្មោះ អេង ចាន់ថេង ភេទប្រុស អាយុ២៩ឆ្នាំ មុខរបរជាងកាត់ដេរ ស្នាក់នៅបន្ទប់ជួលភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
ម៉ូតូដែលជនសង្ស័យលួចម៉ាកហុងដាឌ្រីម ពណ៌ខ្មៅ ពាក់ស្លាកលេខភ្នំពេញ1BQ.3002 ។
តាមប្រភពព័ត៌មានបានឲ្យដឹងថាៈ នៅមុនពេលកេីតហេតុ កាលពីវេលាម៉ោង១៦និង៣០នាទី ថ្ងៃទី១ ខែមិថុនា ឆ្នាំ២០២២ នៅភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
ជនរងគ្រោះបានទុកម៉ូតូក្បែរបន្ទប់ជួលបន្ទាប់មកស្រាប់ តែមានជនសង្ស័យម្នាក់មកធ្វេីសកម្មភាពលួចឆ្កឹះសោម៉ូតូលួចទៅបាត់។
ប្រភពដដែលបានបន្តថា លុះមកដល់ថ្ងៃទី២ ខែឆ្នាំដដែល ប្អូនជនរងគ្រោះបានប្រទះឃេីញម៉ូតូរបស់ជនរងគ្រោះដែលជនសង្ស័យលួចទៅ ។
ពេលនោះក៏ដេញតាមរហូតដល់ឃុំអន្លង់រមៀត ស្រុកកណ្តាលស្ទឹង ខេត្តកណ្តាល ។
ជនសង្ស័យបម្រុងលេីកម៉ូតូដាក់រថយន្តឈ្នួលទេីបប្អូនជនរងគ្រោះឃាត់ខ្លួនប្រគល់ជូននគរបាលប៉ុស្តិ៍អន្លង់រមៀតតែម្តង។
ក្រោយសាកសួររួច សមត្ថកិច្ចបានប្រគល់ជូនកម្លាំងសមត្ថកិច្ចចោមចៅទី៣ នៃខណ្ឌពោធិ៍សែនជ័យជាម្ចាស់ករណីយកទៅចាត់ការតាមច្បាប់៕
