ចលនាទណ្ឌកម្មពីអឺរ៉ុប ប្រឆាំងនឹងរដ្ឋមន្ត្រីការបរទេសរុស្ស៊ី ដែលការបិទដែនអាកាសបង្ខំឱ្យលោក Sergey Lavrov លុបចោលដំណើរទស្សនកិច្ចការទូត ទៅកាន់ទីក្រុងបែលក្រាដ ប្រទេសស៊ែប៊ី។
លោក Lavrov គ្រោងនឹងធ្វើទស្សនកិច្ចនៅទីក្រុង Belgrade នៅថ្ងៃចន្ទ ដើម្បីពិភាក្សាជាមួយមន្ត្រីកំពូល រួមទាំងប្រធានាធិបតីលោក Aleksandar Vucic ក្នុងដំណើរទស្សនកិច្ចរយៈពេលពីរថ្ងៃ។ ប៉ុន្តែការធ្វើដំណើរនេះត្រូវបានបញ្ឈប់បន្ទាប់ពីប្រទេសជិតខាងរបស់ស៊ែប៊ី ដែលសុទ្ធសឹងជាសមាជិកណាតូ – ម៉ុងតេណេហ្គ្រោ ម៉ាសេដូនៀខាងជើង និងប៊ុលហ្គារី បានបិទដែនអាកាសរបស់ពួកគេ។
លោក Lavrov បាននិយាយក្នុងសន្និសីទសារព័ត៌មានតាមអ៊ីនធឺណិតកាលពីថ្ងៃចន្ទថា “រឿងមិននឹកស្មានដល់មួយបានកើតឡើងហើយ”។
“រដ្ឋអធិបតេយ្យមួយត្រូវបានដកហូតសិទ្ធិក្នុងការដឹកនាំគោលនយោបាយការបរទេស។ សកម្មភាពអន្តរជាតិរបស់ស៊ែប៊ីនៅលើផ្លូវរបស់រុស្ស៊ីត្រូវបានរារាំង”។
ទោះជាយ៉ាងណា រុស្ស៊ី បានស្តីបន្ទោស NATO សម្រាប់ការបង្កើតការហាមឃាត់ការហោះហើរ ហើយទង្វើនេះបានបង្ហាញថា គោលបំណងសំខាន់របស់សម្ព័ន្ធភាពដឹកនាំដោយអាមេរិកគឺធ្វើឲ្យរុស្ស៊ីឯកោ៕
