អភិបាលនៃតំបន់គ្រីមៀរ ដែលគ្រប់គ្រងដោយទីក្រុងមូស្គូ បាននិយាយថា មនុស្សបីនាក់បានរងរបួស និង 7 នាក់កំពុងបាត់ខ្លួន បន្ទាប់ពីអ៊ុយក្រែនបានបាញ់លើការដ្ឋានខួងយកប្រេងចំនួន 3 នៅក្នុងសមុទ្រខ្មៅ។
អភិបាលខេត្ត លោក Sergey Aksyonov បាននិយាយនៅលើ Telegram កាលពីថ្ងៃចន្ទថា”យោធាអ៊ុយក្រែនបានវាយប្រហារសំដៅទៅលើការដ្ឋានខួងប្រេងរបស់ក្រុមហ៊ុនប្រេង និងឧស្ម័ន Chernomorneftegaz ដែលមានមូលដ្ឋាននៅ Crimea ។ ខណៈដែលមានកម្មករ 95 នាក់និងទាហាន 15នាក់នៅការពារ។
គួរបញ្ជាក់ថា នេះជាការវាយប្រហារលើកដំបូងដែលគេរាយការណ៍ថាប្រឆាំងនឹងហេដ្ឋារចនាសម្ព័ន្ធថាមពលនៅឈូងសមុទ្រគ្រីមៀរ ចាប់តាំងពីរុស្ស៊ីបានចូលឈ្លានពានអ៊ុយក្រែននៅថ្ងៃទី ២៤ ខែកុម្ភៈ៕
