រដ្ឋាភិបាលគុយបាបានប្រកាសថា តុលាការគុយបាបានកាត់ទោសអ្នកសិល្បៈប្រឆាំងពីរនាក់ឱ្យជាប់គុកប្រាំបួនឆ្នាំ និងប្រាំឆ្នាំនៅក្នុងសំណុំរឿងដ៏ល្បីមួយ ដែលក្រុមសិទ្ធិមនុស្សបានរិះគន់ថាជា “ការក្លែងបន្លំ” ដែលបំពានលើសិទ្ធិនៃការបញ្ចេញមតិជាធារណៈ។
សកម្មជន Luis Manuel Otero Alcantara និង Maykel Castillo គឺជាសមាជិកលេចធ្លោនៃចលនា San Isidro ដែលមានមូលដ្ឋាននៅទីក្រុង Havana ដែលជាសមូហភាពសិល្បករដែលបានដឹកនាំការតវ៉ាជាច្រើនក្នុងរយៈពេលពីរឆ្នាំ។ ចាប់តាំងពីពេលនោះមក ក្រុមជាច្រើនបានចាកចេញពីប្រទេសគុយបា ដោយចោទប្រកាន់ពីការគាបសង្កត់របស់រដ្ឋាភិបាល។
គួរជម្រាបថា លោក Otero Alcantara ត្រូវបានកាត់ទោសឱ្យជាប់ពន្ធនាគាររយៈពេល 5 ឆ្នាំពីបទបង្ខូចទង់ជាតិ ការមើលងាយ និងសណ្តាប់ធ្នាប់សាធារណៈ នេះបើយោងតាមសេចក្តីថ្លែងការណ៍ពីការិយាល័យរដ្ឋអាជ្ញាគុយបាកាលពីថ្ងៃសុក្រ។ រីឯ លោក Castillo ត្រូវបានកាត់ទោសឱ្យជាប់គុកប្រាំបួនឆ្នាំសម្រាប់ឧក្រិដ្ឋកម្មស្រដៀងគ្នា ក៏ដូចជាការវាយដំផងដែរ។
ទោះជាយ៉ាងណា បុរសទាំងពីរនាក់ដែលត្រូវបានគេចាត់ទុកថាជាអ្នកទោសមនសិការដោយអង្គការសិទ្ធិមនុស្សអន្តរជាតិ Amnesty International បានចំណាយពេលជាច្រើនខែរួចមកហើយនៅពីក្រោយការជាប់ឃុំឃាំង ទាញការថ្កោលទោសយ៉ាងទូលំទូលាយ និងអំពាវនាវឱ្យមានការដោះលែងពួកគេ៕
