ព្រះរាជអាជ្ញារងអមសាលាដំបូងខេត្តព្រះវិហារ លោក វុធ សាវី អញ្ជើញចែកម៉ាស់១៥០០០ដល់ប្រជាពលរដ្ឋក្នុងក្រុងព្រះវិហារ

ខេត្តព្រះវិហារ ៖ ក្រោយពីស្ងប់ស្ងាត់អស់រយៈពេលជិត២ខែ ជម្ងឺកូវីត១៩ ពេលនេះបានចាប់ផ្តើមរកឃើញឡើងវិញ កាលពីថ្ងៃ ២៨ ខែ មិថុនា ឆ្នាំ ២០២២ ជាករណីឆ្លងសហគមន៍ ។

និងបន្ទាប់ពីទទួលបានសារពិសេស របស់ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានថ្លែងផ្តាំផ្ញើរ ដល់ជនរួមជាតិ នៅទូរទាំងប្រទេស អោយមានការប្រុងប្រយត្ន័ខ្ពស់ចំពោះ ជម្ងឺកូវីត១៩ រួចមក ។

នៅរសៀលថ្ងៃទី ២៩ ខែ មិថុនា ឆ្នាំ ២០២២ លោក វុធ សាវី ព្រះរាជអាជ្ញារងអមសាលាដំបូងខេត្តព្រះវិហារ និង ជាអ្នកនាំពាក្យសាលាដំបូងខេត្ត បានបន្តចែកម៉ាស់ ចំនួន ១៥០០៩ ម៉ាស់ ដើម្បីចែកជូនបងប្អូនប្រជាពលរដ្ឋនៅក្នុង ក្រុងព្រះវិហារ ក៍ដូចចែកជូនបងប្អូនអាជីវករផ្សាកំពង់ប្រណាកផងដែរ ។

លោក វុធ សាវី បានអោយដឹងថា ក្រោយពីបានស្តាប់សាពិសេសរបស់សម្តេចតេជោ ហ៊ុន សែន ស្តីពីការឆ្លងជម្ងឺកូវីត ១៩ ឡើងវិញ លោក រួមជាមួយក្រុមការងារ បានយកម៉ាស់ចំនួន ១៥០០០ ម៉ាស់ យកមកចែកជូនដល់បងប្អូនប្រជាពលរដ្ឋនឹងអាជីវករក្នុងផ្សាកំពង់ប្រណាក ខេត្តព្រះវិហារ និងដើម្បីចូលរួមចំណែកក្នុងការការពារ ការឆ្លងរីករាលដាលជម្ងឺកូវីត ១៩ នៅក្នុងសហគមន៍ ។

នៅក្នុងឱកាសចែកម៉ាស់ជូនប្រជាពលរដ្ឋ លោក វុធ សាវី ក៏បានក្រើនរំលឹកដល់បងប្អូនប្រជាពលរដ្ឋ ត្រូវប្រុងប្រយត្ន័អោយបានខ្ពស់បំផុត ត្រូវរក្សាគម្លាត លាងដៃ ពាក់ម៉ាស់ពិសេសត្រូវស្តាប់តាមការណែនាំរបស់ក្រសួងសុខាភិបាល គឺ៣កុំ ៣ការពារ។

លោក វុធ សាវី បានបញ្ជាក់ថា ការចែកម៉ាសជូនប្រជាពលរដ្ឋនៅតែចែកបន្តបន្ទាប់ទៀត ដើម្បីការពារការឆ្លងរីករាលដាលក្នុងសហគមន៍ ។

សូមបញ្ជាក់ជូនផងដែរថា ខេត្តព្រះវិហារ រាជរដ្ឋាភិបាលបានសម្រេចលើកលែងការពាក់ម៉ាសដោយស្មក្រ័ចិត្តនៅទីសាធារណៈ តែពាក់ម៉ាសើក្នុងបន្ទប់បិទជិត៕