ឧត្តមសេនីយ៍ ឯម កុសល និង ក្រុមគ្រួសាររួមនិងកងកម្លាំងនៃស្នងការដ្ឋាន នាំយកទេយ្យទានប្រគេនដល់សង្ឃគង់ចាំព្រះវស្សានៅវត្តទួលសំបួរ ស្រុកស្ទឹងត្រង់
ខេត្តកំពង់ចាម ៖ នៅព្រឹកថ្ងៃសៅរ៍ ទី២៣ ខែកក្កដា ឆ្នាំ២០២២នេះ លោកឧត្ដមសេនីយ៍ទោ ឯម កុសល ស្នងការនគរបាលខេត្តកំពង់ចាម និងក្រុមគ្រួសារ ព្រមទាំងលោក-លោកស្រីស្នងការរង នាយ-នាយរងការិយាល័យ អធិការ-អធិការរងស្រុកស្ទឹងត្រង់ និងសហការី បាននាំយកនូវ ទេយ្យទាន បច្ច័យ និងគ្រឿងឧបភោគបរិភោគ ដែលជាអំណោយដ៏ថ្លៃថ្លារបស់ ឯកឧត្តម នាយឧត្តមសេនីយ៍ សន្តិបណ្ឌិត អគ្គស្នងការនគរបាលជាតិ និងលោកជំទាវ ប្រគេនដល់ព្រះសង្ឃគង់នៅវត្តចំនួន០៤: មានវត្តឧប្បុល្លគិរី ហៅវត្តទួលសំបួរ, វត្តគិរីរង្សី, វត្តគិតីសុវណ្ណរាម និងវត្តឥន្ទមុន្នីវ័ន្ត ដែលវត្តទាំង០៤នេះស្ថិតនៅក្នុង ឃុំទួលសំបួរ ស្រុកស្ទឹងត្រង់ ។
ការប្រគេនទេយ្យទាន បច្ច័យ និងអំណោយផ្សេងៗ រួមមាន÷
១-វត្តចំនួន០៤ ក្នុងមួយវត្តប្រគេនទេយ្យទានដូចជា: អង្ករ១បេ ៥០គីឡូ, ប្រេងម៉ាស៊ូត១កាន, ទឹកក្រូច០៣កេស, មី០៣កេស, ទឹកសុទ្ធ០៣កេស, ម៉ាស់០៨ប្រអប់, ត្រីខ០២យួរ, ទឹកត្រី០២យួរ និងទឹកសុីអុីវ០២យួរ
២-ប្រគេនបច្ច័យកសាង ក្នុងមួយវត្ត បច្ច័យ ២០០,០០០៛
៣-ប្រគេនបច្ច័យព្រះសង្ឃសរុបចំនួន១៩អង្គ ក្នុងមួយអង្គបច្ច័យ ៥០,០០០៛ និងស្លាដក០
៤-តាជី យាយជី សរុបចំនួន១១០នាក់ ក្នុងម្នាក់ៗ បច្ច័យចំនួន២០,០០០៛ និងសារុងចំនួន០១
៥-ជូនថវិកាសមាជិកសមាជិកាថ្នាក់ ភូមិ-ឃុំ ចំនួន៨៣នាក់ ក្នុងម្នាក់ៗទទួលថវិកា ៥០,០០០៛ សារុង០១ និងទទួលបានគ្រឿងឧបភោគបរិភោគជារួមមាន: ទឹកក្រូច១០កេស, ទឹកសុទ្ធ១០កេស, មី១០កេស និងម៉ាស់១០ប្រអប់
៦-បងប្អូនខ្មែរឥស្លាម នៅតាមតំបន់ទាំងបី ចំនួន១២នាក់ ក្នុងម្នាក់ៗទទួលបានថវិកា ៥០,០០០៛ សារុង០១ និងក្នុងមួយតំបន់ទទួលបាន ទឹកក្រូច០៣កេស, ទឹកសុទ្ធ០៣កេស, មី០៣កេស និងនំធុង០៣ធុង
៧-កម្លាំងប៉ុស្តិ៍នគរបាលរដ្ឋបាល ទួលសំបួរ ចំនួន០៦នាក់ ក្នុងម្នាក់ៗទទួលបាន ថវិកា ៥០,០០០៛ សារុង០១ និងទទួលបានរួមដូចជា ទឹកសុទ្ធ០២កេស, ទឹកក្រូច០២កេស,មី០២កេស និងម៉ាស់០៤ប្រអប់
៨-កម្លាំងប្រជាការពារ ចំនួន១២នាក់ ក្នុងម្នាក់ៗទទួលបាន ថវិកា២០,០០០៛ សារុង០១ និងទទួលបានរួមដូចជាទឹកសុទ្ធ០២កេស, ទឹកក្រូច០២កេស, មី០២កេស និងម៉ាស់០៤ប្រអប់ ផងដែរ ។
សរុបជាថវិកាទាំងអស់ចំនួន ១៤,៤៩០,០០០៛ ៕
