ខេត្តកំពង់ចាម ៖ នៅព្រឹកថ្ងៃទី០៦ ខែសីហា ឆ្នាំ២០២២ លោកឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាម ដឹកនាំកិច្ចប្រជុំលេីកិច្ចការងារចាំបាច់មួយចំនួន ៖
១-ផ្សព្វផ្សាយបែងចែកភារកិច្ចតំបន់ទទួលខុសត្រូវឲ្យបានខ្ពស់នៅតាមគោលដៅនីមួយៗ និងត្រៀអនុវត្តផែនការ ការពារ សន្តិសុខ សណ្ដាប់ធ្នាប់ រក្សាសុវត្ថិភាពជូន សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ អញ្ជេីញជាអធិបតី ក្នុុងពិធីសំណេះសំណាលជាមួយសិក្ខាកាមជានាយ-នាយរងនគរបាលជាតិ នៅសាលានគរបាលជាតិភូមិភាគ២ នៅឃុំមៀន ស្រុកព្រៃឈរ នៅថ្ងៃទី០៩ ខែសីហា ឆ្នាំ២០២២ ។
២-ផ្សព្វផ្សាយបែងចែកភារកិច្ចតំបន់ទទួលខុសត្រូវឲ្យបានខ្ពស់នៅតាមគោលដៅនីមួយៗ ត្រៀមអនុវត្តផែនការ ការពារ សន្តិសុខ សណ្ដាប់ធ្នាប់ រក្សាសុវត្ថិភាព ក្នុងពិធីបុណ្យខួប១០០ថ្ងៃ សម្ដេចឧត្តមទេពញាណ ហ៊ុន ណេង (M05) នៅភូមិគ្រិះ ភូមិទី៧ សង្កាត់កំពង់ចាម ក្រុងកំពង់ចាម ដែលប្រព្រឹត្តទៅនៅថ្ងៃទី១១ ខែសីហា ឆ្នាំ២០២២ ។
៣-ការចូលរួមយោបល់របស់អង្គប្រជុំអំពីបទពិសោធន៍លេីការអនុវត្តលេីផែនការការពារតាមដងផ្លូវជូនថ្នាក់ដឹកនាំ បញ្ហាប្រឈម និងដំណោះស្រាយ ដេីម្បីអនុវត្តផែនការការពារ សន្តិសុខ សណ្ដាប់ធ្នាប់ រក្សាសុវត្ថិភាព ជូនប្រតិភូជាន់ខ្ពស់ ថ្នាក់ដឹកនាំជាតិ-អន្តជាតិ ឲ្យទទួលបានជោគជ័យនាថ្ងៃខាងមុខនេះ ។
សមាសភាពចូលរួម ៖ លោក-លោកស្រី ស្នងការរង លោក-លោកស្រី នាយ នាយរងការិយាល័យជំនាញ លោកអធិការ អធិការរងនគរបាលស្រុក-ក្រុងទាំង១០ ៕
