ខណៈពេលដែលប្រទេសអាហ្រ្វិកភាគច្រើនបានសម្រេចចិត្តរក្សាអព្យាក្រឹតក្នុងសង្គ្រាមរុស្ស៊ី-អ៊ុយក្រែន អ្នកជំនាញនិយាយថា ខ្លួនបានបង្កើតប្លុកនៅក្នុងទ្វីបរួចហើយ ដោយប្រទេសជាច្រើននៅស្ងៀមស្ងាត់ជាមួយភាគីជម្លោះ។
ប្រធានាធិបតីអាហ្រ្វិកខាងត្បូង Cyril Ramaphosa គឺជាមនុស្សដំបូងគេដែលបើកការរារាំងប្រឆាំងនឹងលោកខាងលិច ដោយបន្ទោសអង្គការណាតូ ចំពោះសង្គ្រាមនៅអ៊ុយក្រែន។
លោក Cyril Ramaphosa បានថ្លែងនៅក្នុងសភាថា” សង្រ្គាមអាចត្រូវបានជៀសវាង ប្រសិនបើណាតូ យកត្រចៀកស្តាប់ការព្រមានពីក្នុងចំណោមមេដឹកនាំ និងមន្ត្រីរបស់ខ្លួនក្នុងរយៈពេលប៉ុន្មានឆ្នាំមកនេះ ដែលការពង្រីកវត្តមាន ទៅភាគខាងកើតរបស់ខ្លួន នឹងនាំឱ្យមានអស្ថិរភាពកាន់តែខ្លាំងនៅក្នុងតំបន់” ។
ទោះបីជាមានការគាំទ្ររបស់ Ramaphosa ដល់រុស្ស៊ីក៏ដោយ ប៉ុន្តែសហភាពអាហ្រ្វិក (AU) នៅដើមខែនេះ បានថ្កោលទោសការឈ្លានពានរបស់ទីក្រុងម៉ូស្គូ ហើយបានអំពាវនាវឱ្យមាន “បទឈប់បាញ់ជាបន្ទាន់” ។
ទន្ទឹមនឹងនោះ ប្រធានាធិបតីសេណេហ្គាល់ Macky Sall ដែលជាប្រធាន AU និងប្រធានគណៈកម្មការ AU លោក Moussa Faki Mahamat ក៏បានជំរុញឱ្យរុស្ស៊ីគោរពច្បាប់អន្តរជាតិ និងអធិបតេយ្យភាពអ៊ុយក្រែន។
យ៉ាងណាមិញ លោក Sultan Kakuba អ្នកវិទ្យាសាស្ត្រនយោបាយនៅសាកលវិទ្យាល័យ Kyambogo នៃប្រទេសអ៊ូហ្គង់ដា បាននិយាយថា សង្រ្គាមរុស្ស៊ី និងអ៊ុយក្រែនបានបង្កើតប្លុកនៅក្នុងទ្វីប។
ទោះបីជាប្រទេសមួយចំនួនកំពុងប្រកាន់យកជំហរអព្យាក្រឹតក៏ដោយ ជម្លោះនេះនឹងបែងចែកទ្វីបអាហ្វ្រិកជាពីរប្លុក ដោយមួយភាគគាំទ្រ ហើយមួយភាគទៀតប្រឆាំងនឹងរុស្ស៊ី។
លោក Mheta បាននិយាយថា ប្រទេសជាច្រើនដែលធ្វើសង្គ្រាមដើម្បីរំដោះខ្លួនចេញពីអាណានិគមនិយម ឬប្រទេសដែលចាត់ទុកខ្លួនឯងថាជាអ្នកបដិវត្តភាគច្រើននៅក្នុងទ្វីបអាហ្រ្វិក និងអាមេរិកខាងត្បូង ហាក់ដូចជានៅខាងរុស្ស៊ី៕
