ប្រធានាធិបតីអាមេរិកដែលកំពុងកាន់អំណាចលោក Joe Biden នឹងប្រកាសពីការឈរឈ្មោះសម្រាប់ការបោះឆ្នោតប្រធានាធិបតីឆ្នាំ ២០២៤ ម្តងទៀត បន្ទាប់ពីការបោះឆ្នោតសភាពាក់កណ្តាលអាណត្តិក្នុងខែវិច្ឆិកាខាងមុខនេះ ទោះបីសម្លេងគាំទ្រកំពង់ធ្លាក់ចុះយ៉ាងគំហុកក៏ដោយចុះ។
លោក Biden អាចប្រកាសពីការឈរឈ្មោះរបស់គាត់ម្តងទៀត ក្នុងរយៈពេលពីរបីខែខាងមុខនេះ បន្ទាប់ពីការបោះឆ្នោតសភាដែលនឹងមកដល់នៅថ្ងៃទី ៨ ខែវិច្ឆិកា ឆ្នាំ២០២២។
យោងតាមសារព័ត៌មាន Newsweek ពីមុនបានរាយការណ៍ថា គណបក្សប្រជាធិបតេយ្យនៅសហរដ្ឋអាមេរិកអាចទទួលរងការខាតបង់ធំនៅក្នុងសភាក្នុងការបោះឆ្នោតពាក់កណ្តាលអាណត្តិ ដែលនឹងបង្កើតហានិភ័យនៃការចោទប្រកាន់ទៅលើប្រធានាធិបតី Joe Biden ខណដែលប្រជាប្រិយភាពលោកបាននិងកំពុងធ្លាក់ចុះខ្លាំង។
គួរជម្រាបថា អតីតរដ្ឋមន្ត្រីការបរទេសអាមេរិកលោក Mike Pompeo បានទទួលស្គាល់ពីលទ្ធភាពនៃការតែងតាំងប្រធានាធិបតីពីគណបក្សសាធារណរដ្ឋនៅក្នុងការបោះឆ្នោតឆ្នាំ ២០២៤ផងដែរ ខណដែលកាលពីខែមីនាកន្លងទៅ អតីតមេដឹកនាំអាមេរិកលោក Donald Trump មិនបានច្រានចោលថាលោកនឹងឈរឈ្មោះម្តងទៀតសម្រាប់តំណែងប្រធានាធិបតីសហរដ្ឋអាមេរិកនោះទេ ។
ចំណែកអតីតរដ្ឋមន្ត្រីការបរទេសលោកស្រី Hillary Clinton បានច្រានចោលនូវលទ្ធភាពនៃការឈរឈ្មោះនោះផងដែរ៕
