ផ្ទុះហាងលក់ទំនិញមួយកន្លែងបណ្តាលឲ្យមនុស្សម្នាក់ស្លាប់និងរបួសជាច្រើននាក់នៅរដ្ឋធានីអាមេនី!

យោងតាមក្រុមមន្ត្រីបាននិយាយថា យ៉ាងហោចណាស់មនុស្សម្នាក់បានស្លាប់ ហើយមនុស្សជាច្រើននាក់ទៀតត្រូវបានជាប់នៅក្នុងគំនរបាក់បែក បន្ទាប់ពីមានការផ្ទុះដ៏ខ្លាំងមួយ បានបំផ្ទុះពេញទីផ្សារលក់រាយក្នុងរដ្ឋធានី Yerevan របស់ប្រទេសអាមេនី។

លោក Levon Sardaryan អ្នកនាំពាក្យរបស់អភិបាលក្រុង Yerevan បានប្រាប់ទីភ្នាក់ងារសារព័ត៌មាន The Associated Press ថា បុគ្គលិកជួយសង្គ្រោះកំពុងធ្វើការដើម្បីទាញមនុស្សចេញពីគំនរបាក់បែក។

ក្រសួង​ស្ថានការណ៍​គ្រាអាសន្ន​បាន​និយាយ​ថា មាន​រថយន្ត​ពន្លត់​អគ្គិភ័យ​១០​គ្រឿង​នៅ​នឹង​កន្លែង ហើយ​១០​គ្រឿង​ទៀត​កំពុង​ធ្វើ​ដំណើរ​ទៅ​ផ្សារ Surmalu ដែល​មាន​ទីតាំង​ប្រហែល ២ គីឡូម៉ែត្រ (១,២ ម៉ាយ) ភាគ​ខាង​ត្បូង​កណ្តាល​ក្រុង។

យោងតាមក្រសួងពាក់ព័ន្ធបានឲ្យដឹងថា ការផ្ទុះបានចាប់ផ្តើមនៅកន្លែងដែលលក់កាំជ្រួច ហើយពួកគេជឿថានោះជាមូលហេតុនៃការផ្ទុះនេះ៕