មនុស្ស​៤១​នាក់​បាន​ស្លាប់​ក្នុង​អគ្គីភ័យឆេះ​ព្រះវិហារ​នៅ​អេហ្ស៊ីប!

យ៉ាងហោចណាស់មនុស្ស ៤១នាក់បានស្លាប់ និង ១៤ នាក់ផ្សេងទៀតបានរងរបួសនៅក្នុងអគ្គីភ័យនៅព្រះវិហារមួយក្នុងទីក្រុង Giza ជិត Cairo ព្រះវិហារ Coptic របស់ប្រទេសអេហ្ស៊ីប។

ក្រសួង​សុខាភិបាល​អេហ្ស៊ីប​បាន​និយាយ​ថា មនុស្ស​ជា​ច្រើន​នាក់​ត្រូវ​បាន​ស្លាប់​ក្នុង​អគ្គិភ័យ​នៅ​ព្រះវិហារ Abu Sifin Coptic ក្នុង​សង្កាត់ Imbaba កាល​ពី​ថ្ងៃ​អាទិត្យ ហើយ​រថយន្ត​សង្គ្រោះ​បាន​បញ្ជូន​អ្នក​របួស​យ៉ាង​តិច ៥៥ នាក់​ទៅ​កាន់​មន្ទីរពេទ្យ​ក្នុង​តំបន់។

ប្រភពសន្តិសុខពីរបានប្រាប់ទីភ្នាក់ងារសារព័ត៌មានរ៉យទ័រថា អគ្គីភ័យបានឆាបឆេះឡើង ខណៈដែលអ្នកគោរពបូជាចំនួន ៥ពាន់ នាក់បានប្រមូលផ្តុំគ្នាជាធំ បង្កឱ្យមានការរត់ជាន់គ្នា។

៉រថយន្តពន្លត់អគ្គីភ័យចំនួន ១៥គ្រឿង ត្រូវបានបញ្ជូនទៅកាន់កន្លែងកើតហេតុ ដើម្បីពន្លត់ភ្លើង ខណៈដែលរថយន្តសង្គ្រោះបន្ទាន់ បានបញ្ជូនអ្នករងគ្រោះទៅកាន់មន្ទីរពេទ្យក្បែរនោះ។ ហើយការស៊ើបអង្កេត​ដំបូង​បាន​ចង្អុល​ទៅ​ការ​ឆ្លង​ចរន្ត​អគ្គិសនី​នេះ​បើ​យោង​តាម​សេចក្តី​ថ្លែងការណ៍​របស់​ប៉ូលិស។

ប្រធានាធិបតីអេហ្ស៊ីបលោក Abdel Fattah el-Sisi បាននិយាយតាមទូរស័ព្ទជាមួយ Coptic Christian Pope Tawadros II ដើម្បីចូលរួមរំលែកទុក្ខរបស់គាត់ផងដែរ។

គួរជម្រាបថា Copts គឺជាសហគមន៍គ្រិស្តសាសនាដ៏ធំបំផុតនៅមជ្ឈិមបូព៌ា ដែលបង្កើតបានយ៉ាងហោចណាស់ ១០ លាននាក់នៃប្រជាជន ១០៣ លាននាក់របស់ប្រទេសអេហ្ស៊ីប។

ប្រទេសអេហ្ស៊ីបបានទទួលរងនូវគ្រោះអគ្គីភ័យដ៏សាហាវជាច្រើនក្នុងប៉ុន្មានឆ្នាំថ្មីៗនេះ។

នៅក្នុងខែមីនា ឆ្នាំ 2021 មនុស្សយ៉ាងហោចណាស់ 20 នាក់បានស្លាប់នៅក្នុងអគ្គីភ័យនៅក្នុងរោងចក្រវាយនភណ្ឌមួយនៅជាយក្រុងភាគខាងកើតនៃទីក្រុងគែរ៕