ក្រោយផ្ទុះរឿងអាស្រូវ មន្ទីរពហុព្យាបាល”ម្លិះ ដង្កោ”ត្រូវបានផាកពិន័យ១០លានរៀល និងព្រមានបិទអាជីវកម្មទៀតផង!
(ភ្នំពេញ)៖ បន្ទាប់ពីល្បីល្បាញពេញបណ្ដាញសង្គម ករណីម្ចាស់”មន្ទីរពហុព្យាបាល និងសម្ភព ម្លិះ ដង្កោ”មិនព្រមបញ្ជូនជនរងគ្រោះ ចេញពីគ្លីនិករបស់ខ្លួន ។
ទៅកាន់មន្ទីរពេទ្យគន្ធបុប្ផា តាមការទាមទារ របស់ឪពុកម្ដាយរងគ្រោះ គួបផ្សំនិង គ្លីនិក មួយនេះតែងតែប្រើរថយន្តពេទ្យស៊ីរ៉ែនរបស់ខ្លួន ទៅដឹកអ្នកគ្រោះថ្នាក់ចរាចរណ៍ ដើម្បីឱ្យមកព្យាបាលនៅគ្លីនិក របស់ខ្លួនទៀតនោះ។
ឥឡូវនៅថ្ងៃទី១៥.០៨.២០២២ ក្រសួងសុខាភិបាល បានសម្រេចផាកពិន័យ”មន្ទីរពហុព្យាបាល និងសម្ភព ម្លិះ ដង្កោ”ចំនួន១០លានរៀលនិងព្រមានបិទគ្លីនិកទៀតផង បើសិននៅបន្តបំពានគោលការរបស់ក្រសួងៈ។
ក្នុងនោះក្រសួងបានចាត់វិធានការលើ”មន្ទីរពហុព្យាបាល និងសម្ភព ម្លិះ ដង្កោ”ចំនួន៥ចំណុច៖
១៖ ត្រូវបញ្ឈប់ចំពោះការយករថយន្តពេទ្យរបស់ខ្លួនទៅដឹកអ្នកជួបគ្រោះថ្នាក់ចរាចរណ៍ ដើម្បីមកព្យាបាលនៅគ្លីនិករបស់ខ្លួន។
២៖ ត្រូវផាកពិន័យចំនួន១០លានរៀល។
៣៖ ត្រូវគោរពតាមច្បាប់និងគោលការរបស់ក្រសួងសុខភិបាល។
៤៖ ត្រូវគោរពតាមកិច្ចសន្យា ជាមួយក្រសួងសុខាភិបាល។
៥៖ ក្នុងករណីដែលលោក ស៊ីម វន់ ម្ចាស់”មន្ទីរពហុព្យាបាល និងសម្ភព ម្លិះ ដង្កោ”មិនគោរពតាមការណែនាំរបស់ក្រសួងនោះទេ ក្រសួងសុខាភិបាលនឹង បិទអាជីវកម្មតែម្ដង។
សូមជម្រាបថាៈ ការផាកពិន័យនិងព្រមានចាត់វិធានការបែបនេះ បន្ទាប់ពី លោកឧត្តមសេនីយ៍ទោ ឈឿន ប៊ុនឆន ប្រធាននាយកដ្ឋាននគរបាលវិទ្យុទាក់ទង នៃអគ្គស្នងការដ្ឋាននគរបាលជាតិ កាលពីយប់ថ្ងៃទី០៨ ខែសីហា ឆ្នាំ២០២២ ។
បានបញ្ចេញប្រតិកម្ម រិៈគន់ទៅលើ ម្ចាស់”មន្ទីរពហុព្យាបាល និងសម្ភព ម្លិះ ដង្កោ”ស្ថិតនៅផ្លូវ២១៧ ភូមិខ្វា សង្កាត់ដង្កោ ខណ្ឌដង្កោ រាធានីភ្នំពេញ។
ថាៈ បើម្ចាស់មន្ទីរពហុព្យាបាលនេះ ជាជនជាតិខ្មែរ១០០ភាគរយ មិនអសីលធម៌ និងមិនអាក្រក់ឈាមខ្មៅ បែបនេះឡើយ!៕
