លោកឧត្តមសេនីយ៍ ហេង វុទ្ធី ស្នងការរង ទទួលផែនដឹកនាំក្រុមការងារជំនាញនគរបាលព្រហ្មទណ្ឌ ចុះប្រជុំត្រួតពិនិត្យ ដកបទពិសោធន៍ លើកយកបញ្ហាប្រឈម
កំពង់ចាម ៖ នាព្រឹកថ្ងៃទី១៥ ខែសីហា ឆ្នាំ២០២២ នៅអធិការដ្ឋាននគរបាលស្រុកចំការលើ និងពេលល្ងាចនៅអធិការដ្ឋាននគរបាលស្រុកស្ទឹងត្រង់ លោកឧត្ដមសេនីយ៍ត្រី ហេង វុទ្ធី ស្នងការរង ទទួលផែនការងារនគរបាលព្រហ្មទណ្ឌ បានដឹកនាំក្រុមការងារជំនាញ របស់ផែនការងារនគរបាលព្រហ្មទណ្ឌ ចុះប្រជុំត្រួតពិនិត្យ ដកបទពិសោធន៍ លើកយកបញ្ហាប្រឈម សំណូមពរ និងណែនាំអំពីនីតិវិធី និងកិច្ចការការងារជំនាញ ដោយមានសមាសភាពចូលរួមមាន ៖
-លោកអធិការនគបាលស្រុកចំការលើ និងលោកអធិការនគរបាលស្រុកស្ទឹងត្រង់
-លោកអធិការរង ទទួលផែនការងារនគរបាលព្រហ្មទណ្ឌស្រុកចំការលើ និងស្រុកស្ទឹងត្រង់
-លោកនាយផ្នែក នាយរងផ្នែកនគរបាលព្រហ្មទណ្ឌ និងបច្ចេកទេសវិទ្យាសាស្ត្រស្រុកចំការលើ និងស្រុកស្ទឹងត្រង់
-លោកនាយប៉ុស្តិ៍នគរបាលរដ្ឋបាលស្រុកចំការលើ និងស្រុកស្ទឹងត្រង់ ៕
