ព្រះវិហារ ៖ សិប្បកម្មកែឆ្នៃឈើខុសច្បាប់មួយកន្លែងត្រូវបានលោក វង្ស វិសិដ្ឋ នាយផ្នែករដ្ឋបាលព្រៃឈើត្បែងមានជយ័ ដឹកនាំកម្លាំងសង្កាត់រដ្ឋបាលព្រៃឈើត្បែងមានជយ័ សហការជាមួយអាវុធហត្ថស្រុកត្បែងមានជយ័ នគរបាលប៉ុស្តិបុស្សធំ និង កម្លាំងអាជ្ញាធរមូលដ្ឋាន ចុៈបង្ក្រាប ។
ប្រតិបត្តិការននេះធ្វើឡើង កាលពីព្រឹកថ្ងៃទី ១៧ ខែសីហា ឆ្នាំ ២០២២ នៅចំណុច ភូមិ បុស្សធំ ឃុំ ប្រមេរ ស្រុក ត្បែងមានជយ័ ខេត្តព្រៈវិហារ ។
មេឈ្មួញជាម្ចាស់សិប្បកម្មត្រូវបានគេស្គាល់ឈ្មោះ ជ័យ សាន ភេទស្រី អាយុ ៤៤ ឆ្នាំ រស់នៅទីកន្លែងខាងលើ ។
លោក វង្ស វិសិដ្ឋ នាយផ្នែករដ្ឋបាលព្រៃឈើត្បែងមានជយ័ បានអោយដឹងថា ក្រោមការដឹកនាំនឹងចង្អុលបង្ហាញរបស់លោក ពឹង ទ្រីដា ប្រធានមន្ទីរកសិកម្មរុក្ខាប្រម៉ាញ់ និង នេសាទ និង ក្រោមការដឹកនាំបញ្ជាផ្ទាល់របស់លោក នួន សុខុម នាយខណ្ឌរដ្ឋបាលព្រៃឈើព្រះវិហារ កម្លាំងផ្នែកនឹងសង្កាត់រដ្ឋបាលព្រៃឈើត្បែងមានជយ័នឹងកម្លាំអាជ្ញាធរមូលដ្ឋាន បានចុៈទៅដល់ទីតាំងសិប្បកម្មខាងលើ ដើម្បីអនុវត្តន៍ច្បាប់ស្តីពីព្រៃឈើ ។
ក្នុងនោះវត្ថុតាងមានតាបឈូសនឹងឈើលេខ ១ មួយចំនួន ត្រូវបានរឹបអូសយកមករក្សាទុកនៅផ្នែករដ្ឋបាលព្រៃឈើត្បែងមានជយ័ ដើម្បីចាត់ការបន្តទៅតាមនិតិវិធី ចំណែកម្ចាស់ឈ្មោះ ជ័យ សាន ត្រូវបានធ្វើកិច្ចសន្យាអោយបញ្ឈប់ធ្វើសិប្បកម្មខុសច្បាប់តទៅទៀត ។
សូមបញ្ជាក់ជូនផងដែរថា សិប្បកម្មកែឆ្នៃឈើខុសច្បាប់ខាងលើ បានធ្វើអាជីវកម្មខុសច្បាប់យូមកហើយ ហើយសង្កាត់រដ្ឋបាលព្រៃឈើត្បែងមានជ័យ លោក សុង បញ្ញា ក៍ធ្លាប់បានចុៈទៅធ្វើការអប់រំនឹងធ្វើកិច្ចសន្យាមិនអោយបន្តធ្វើសិប្បកម្មខុសច្បាប់តទៅទៀតទេ តែម្ចាស់ សិប្បកម្មរូបនេៈនៅតែគឃ្លើនធ្វើបន្តមិនព្រមឈប់ ទើបសមត្ថកិច្ចរដ្ឋបាលព្រៃឈើចាប់បង្ក្រាបតែម្តង ៕
