យោងតាមការិយាល័យប្រធានាធិបតីរុស្ស៊ីនិយាយថា លោកប្រធានាធិបតី វ្ល៉ាឌីមៀរ ពូទីន នឹងមិនចូលរួមក្នុងពិធីបុណ្យសពលោក Mikhail Gorbachev ដែលជាមេដឹកនាំចុងក្រោយនៃសហភាពសូវៀតនោះទេ ។
អ្នកនាំពាក្យប្រធានាធិបតីលោក Dmitry Peskov បាននិយាយកាលពីថ្ងៃព្រហស្បតិ៍ថា “គួរឲ្យសោកស្តាយ ដោយសារតែកាលវិភាគការងារដ៏មមាញឹករបស់ប្រធានាធិបតី ដូច្នេះមិនអាចអនុញ្ញាតឲ្យលោក ពូទីន ចូលរួមពិធីបុណ្យសពនោះទេ ។
ទោះជាយ៉ាងណា លោក Peskov បានបញ្ជាក់ថា រដ្ឋាភិបាលក៏នឹងជួយក្នុងការរៀបចំបុណ្យសព ប៉ុន្តែមិនបានបញ្ជាក់លម្អិតនោះទេ ។
ប៉ុន្តែកាលពីថ្ងៃព្រហស្បតិ៍ លោក ពូទីន ក៏បានទៅគោរពវិញ្ញាណក្ខន្ធលោក Gorbachev រួចទៅហើយនៅឯមន្ទីរពេទ្យ ដែលសាកសពរបស់លោកកំពុងត្រូវបានរក្សាទុក ជាមួយនឹងបាច់ផ្កានៅក្បែរមឈូសបើកគម្រប ។
គួររំឭកថា លោក Gorbachev ដែលនាំសង្រ្គាមត្រជាក់ឈានដល់ទីបញ្ចប់ បានទទួលមរណភាពកាលពីថ្ងៃអង្គារក្នុងវ័យ ៩១ ឆ្នាំ ហើយពិធីបុណ្យសពរបស់លោកនឹងគ្រោងធ្វើឡើងនៅថ្ងៃសៅរ៍ក្នុងទីក្រុងមូស្គូ ៕
