អគារសិក្សាជាអំណោយដ៏ថ្លៃថ្លារបស់ សម្តេចអគ្គមហាពញាចក្រី ហេង សំរិន និងសម្តេចធម្មវិសុទ្ធវង្សា សៅ ទី ហេង សំរិននិងឯកឧត្តម វង សូត និងលោកជំទាវសម្រេចបាន៨០%
ខេត្តត្បូងឃ្មុំ ៖ អគារសាលាមត្តេយ្យសិក្សា ស្ថិតនៅសាលាបឋមសិក្សាសឹ្ទងតូច ភូមិស្ទឹងតូច ឃុំកក់ ស្រុកពញាក្រែក ខេត្តត្បូងឃ្មុំ ដំណើរការសាងសង់សម្រេចបាន៨០ភាគរយ ។
ឧត្តមសេនីយ៍ត្រី ម៉ុន មាគ៌ា ទីប្រឹក្សា សម្តេចអគ្គមហាពញាចក្រី ហេង សំរិន ប្រធានរដ្ឋសភា នៃព្រះរាជាណាចក្រកម្ពុជា និងជាស្នងការនគរបាលខេត្តត្បូងឃ្មុំ បានចុះពិនិត្យដំណើរសាងសង់អគារសាលាមត្តេយ្យសិក្សា ស្ថិតនៅសាលាបឋមសិក្សាសឹ្ទងតូច ទំហំទទឹង ៩.២ម៉ែត្រ គុណនឹងបណ្តោយ ៣៦.៣ម៉ែត្រ ស្មើនឹង ៤បន្ទប់ ជាអំណោយដ៏ថ្លៃថ្លារបស់ សម្តេចអគ្គមហាពញាចក្រី ហេង សំរិន និងសម្តេចធម្មវិសុទ្ធវង្សា សៅ ទី ហេង សំរិន និងឯកឧត្តម វង សូត រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទានិងលោកជំទាវ ៕
