អ៊ុយក្រែនអះអាងថា ទាហានរុស្ស៊ី ១៥.៨០០ នាក់ត្រូវបានគេសម្លាប់ចាប់តាំងពីសង្គ្រាមបានចាប់ផ្ដើម!
យោធាអ៊ុយក្រែនបានអះអាងកាលពីថ្ងៃព្រហស្បតិ៍ថា ទាហានរុស្ស៊ីប្រមាណ ១៥.៨០០ នាក់ត្រូវបានសម្លាប់ក្នុងប្រទេសអ៊ុយក្រែនចាប់តាំងពីសង្គ្រាមចាប់ផ្តើម។
កងកម្លាំងអ៊ុយក្រែនក៏បានបំផ្លាញយន្តហោះរុស្ស៊ីចំនួន ១០៨ គ្រឿង ឧទ្ធម្ភាគចក្រ ១២៤ គ្រឿង រថក្រោះ ៥៣០ គ្រឿង រថពាសដែកចំនួន ១.៥៩៧ គ្រឿង កាណុង ២៨០ គ្រឿង ប្រព័ន្ធបាញ់គ្រាប់រ៉ុក្កែត ៨២ គ្រឿង និងប្រព័ន្ធការពារដែនអាកាសចំនួន ៤៧ គ្រឿង ចាប់តាំងពីថ្ងៃទី ២៤ ខែកុម្ភៈមក នេះបើយោងតាមអគ្គសេនាធិការអ៊ុយក្រែន។
កងកម្លាំងរុស្ស៊ីក៏បានបាត់បង់យានយន្តចំនួន ១,០៣៣ គ្រឿង ទូកល្បឿនលឿនចំនួន ៤ គ្រឿង រថយន្តសាំងចំនួន ៧២ គ្រឿង និង UAV ចំនួន ៥០ គ្រឿងផងដែរ។
យ៉ាងហោចណាស់ជនស៊ីវិលអ៊ុយក្រែន ៥៧៧ នាក់ត្រូវបានសម្លាប់រហូតមកដល់ពេលនេះនៅក្នុងប្រទេសអ៊ុយក្រែន និង ១,៩៥៤ នាក់បានរងរបួស ខណៈប្រជាជនអ៊ុយក្រែនជាង ៣,៦ លាននាក់ក៏បានភៀសខ្លួនទៅកាន់ប្រទេសជិតខាង៕
