ស៊ីរីអះអាងថា មនុស្សប្រាំនាក់បានស្លាប់នៅក្នុងការវាយប្រហារតាមអាកាសរបស់អ៊ីស្រាអែលលើអាកាសយានដ្ឋាន Damascus!
ក្រសួងការពារជាតិបាននិយាយថា អ៊ីស្រាអែលបានធ្វើការវាយប្រហារតាមផ្លូវអាកាសទៅលើអាកាសយានដ្ឋានអន្តរជាតិ Damascus របស់ប្រទេសស៊ីរី និងទីតាំងផ្សេងទៀតនៅភាគខាងត្បូងនៃរដ្ឋធានី ដោយបានសម្លាប់ទាហានប្រាំនាក់ និងបណ្តាលឱ្យខូចខាតសម្ភារៈជាច្រើន។
នៅក្នុងសេចក្តីថ្លែងការណ៍មួយកាលពីព្រឹកថ្ងៃសៅរ៍ថា កងការពារដែនអាកាសស៊ីរីបានស្ទាក់ចាប់ការវាយប្រហារ និងបានគ្រប់គ្រងការទម្លាក់គ្រាប់បែកភាគច្រើន។ ការវាយប្រហារនេះបានចាប់ផ្តើមនៅម៉ោងប្រហែល 00:45 នាទីព្រឹក ម៉ោងក្នុងស្រុក (21:45 GMT) ជាមួយនឹងកាំជ្រួចបានបាញ់ពីលើអាកាសពីទិសដៅភាគឦសាននៃបឹង Tiberias សំដៅទៅលើអាកាសយានដ្ឋាន និងគោលដៅផ្សេងទៀតនៅភាគខាងត្បូងទីក្រុង។
ទីភ្នាក់ងារព័ត៌មានផ្លូវការរបស់ស៊ីរី Sana បានដកស្រង់ប្រភពយោធាមួយបាននិយាយថា ការឈ្លានពាននេះបានបណ្តាលឱ្យទាហានប្រាំនាក់ស្លាប់ និងការខូចខាតសម្ភារៈមួយចំនួន។
ទោះជាយ៉ាងណា អ៊ីស្រាអែលបានបង្កើនការវាយប្រហារលើអាកាសយានដ្ឋានរបស់ប្រទេសស៊ីរី ក្រោមហេតុផលថា ខ្លួនចង់បង្អាក់ដល់ការកើនឡើងនៃការប្រើប្រាស់ផ្លូវផ្គត់ផ្គង់ពីលើអាកាសរបស់ទីក្រុងតេអេរ៉ង់ ដើម្បីបញ្ជូនអាវុធទៅឱ្យសម្ព័ន្ធមិត្តនៅក្នុងប្រទេសស៊ីរី និងលីបង់ រួមទាំងក្រុមហេសបូឡា៕
