អ៊ុយក្រែន ជំរុញឱ្យបណ្តាប្រទេសសហភាពអឺរ៉ុបមិនត្រូវបង់ថ្លៃប្រេង និងឧស្ម័នពីរុស្ស៊ីជាប្រាក់រូបលដោយសារតែ!
រដ្ឋមន្ត្រីការបរទេសអ៊ុយក្រែនកាលពីថ្ងៃព្រហស្បតិ៍បានអំពាវនាវឱ្យបណ្តាប្រទេសសហភាពអឺរ៉ុបបដិសេធមិនទទួលយកការទាមទាររបស់ប្រធានាធិបតីរុស្ស៊ីលោក វ្ល៉ាឌីមៀ ពូទីន ក្នុងការបង់ប្រាក់សម្រាប់ប្រេង និងឧស្ម័នរុស្ស៊ីជាប្រាក់រូបល។
លោក Dymytro Kuleba បានសរសេរនៅលើ Twitter ថា “ប្រសិនបើប្រទេសអឺរ៉ុប ណាមួយឱនក្បាលចំពោះការទាមទារដ៏អាម៉ាស់របស់លោកពូទីន ក្នុងការបង់ប្រាក់ថ្លៃប្រេង និងឧស្ម័នជាប្រាក់រូល វានឹងដូចជាការជួយអ៊ុយក្រែនដោយដៃម្ខាង និងជួយជនជាតិរុស្ស៊ីសម្លាប់ជនជាតិអ៊ុយក្រែនដោយម្ខាងទៀត” ។
លោកបានសង្កត់ធ្ងន់ថា” ខ្ញុំជំរុញឱ្យប្រទេសពាក់ព័ន្ធធ្វើការជ្រើសរើសប្រកបដោយភាពឈ្លាសវៃ និងប្រកបដោយកការទទួលខុសត្រូវ”។
ថ្លែងនៅក្នុងកិច្ចប្រជុំជាមួយរដ្ឋាភិបាលនៅទីក្រុងមូស្គូ ប្រធានាធិបតីរុស្ស៊ីបាននិយាយថា បន្ទាប់ពីសហរដ្ឋអាមេរិក និងសហភាពអឺរ៉ុបបានដាក់ទណ្ឌកម្មលើបំណុលរដ្ឋរុស្ស៊ីជាប្រាក់ដុល្លារ និងអឺរ៉ូ ដែលក្នុងន័យសេដ្ឋកិច្ចមានន័យថា ពួកគេបានប្រកាសពីការលុបចោលបំណុលហិរញ្ញវត្ថុរបស់ពួកគេចំពោះប្រទេសរុស្ស៊ីនោះ លែងមានទៀតហើយ។ ខណៈដែលតម្លៃប្រេងឆៅពិភពលោកបានកើនឡើងជាង 5% កាលពីថ្ងៃព្រហស្បតិ៍៕
