រុស្ស៊ី ប្រកាសជ្រើសរើសទាហានស្ម័ក្រចិត្តដោយផ្តល់ ប្រាក់ខែ ២,៧០០ដុល្លារ ជាការលើកទឹកតចិត្ត!
សេចក្តីរាយការណ៍បានឲ្យដឹងថា កងទ័ពរុស្ស៊ីកំពុងស្វែងរកទាហានជាប់កិច្ចសន្យាសម្រាប់អ្វីដែលហៅថា “ប្រតិបត្តិការយោធាពិសេស” នៅក្នុងប្រទេសអ៊ុយក្រែន កំពុងប្រើប្រាស់រថយន្តជ្រើសរើសបុគ្គលិកចល័តដើម្បីទាក់ទាញអ្នកស្ម័គ្រចិត្តដោយផ្តល់ប្រាក់លើកទឹកចិត្តជិត ២,៧០០ ដុល្លារក្នុងមួយខែជាការលើកទឹកចិត្ត។
យោងតាមរូបភាពដែលបានបង្ហាញពី ទាហានពាក់របាំងមុខ ឈុតខ្មៅពីរនាក់ ជាមួយនិងរថយន្តដឹកទំនិញនៅក្នុងឧទ្យានកណ្តាលមួយក្នុងទីក្រុង Rostov ភាគខាងត្បូងនៃប្រទេសរុស្ស៊ីកាលពីថ្ងៃសៅរ៍បានបង្ហាញកាំភ្លើងដល់អ្នកធ្វើដំណើរដែលចាប់អារម្មណ៍ ហើយបានប្រគល់ខិត្តប័ណ្ណពណ៌ដែលមានចំណងជើងថា “សេវាយោធាតាមកិច្ចសន្យាជាជម្រើសបុរសពិត”។
ទីក្រុងមូស្គូមិនបានធ្វើបច្ចុប្បន្នភាពចំនួនអ្នកស្លាប់ជាផ្លូវការចាប់តាំងពីថ្ងៃទី ២៥ ខែមីនា នៅពេលដែលវាបាននិយាយថាទាហានរុស្ស៊ី ១,៣៥១ នាក់ត្រូវបានសម្លាប់ និង ៣,៨២៥ នាក់បានរងរបួស។ វិមានក្រឹមឡាំងបាននិយាយកាលពីសប្តាហ៍មុនថាមិនមានការពិភាក្សាអំពីការប្រមូលផ្តុំទូទាំងប្រទេសដើម្បីពង្រឹងកងកម្លាំងរបស់ខ្លួននោះទេ។
ទោះជាយ៉ាងណា ទាំងរុស្ស៊ី និងអ៊ុយក្រែន មិនបង្ហាញពីការខាតបង់ខាងយោធារបស់ពួកគេឡើយ ដែលទីភ្នាក់ងារចារកម្មលោកខាងលិចបានប៉ាន់ស្មានថា មានចំនួនរាប់ម៉ឺននាក់ទាំងសងខាង៕
