(ALjazeera): អ្នកនាំពាក្យក្រសួងមហាផ្ទៃអាហ្វហ្គានីស្ថានបាននិយាយថា ការបំផ្ទុះគ្រាប់បែកអត្តឃាតបានវាយប្រហារវិហារមួយ ក្នុងរដ្ឋធានីកាប៊ុលរបស់ប្រទេសអាហ្វហ្គានីស្ថាន ដោយបានសម្លាប់មនុស្ស៤នាក់ និងរបួស ២៥នាក់ ។
ហេតុការណ៍នេះបានកើតឡើង នៅរសៀលថ្ងៃពុធទី៥ ខែកញ្ញានេះ ខណៈដែលប្រជាពលរដ្ឋជាច្រើននាក់កំពុងបន់ស្រន់ថ្វាយបង្គុំនៅខាងក្នុងវិហារអ៊ីស្លាមមួយស្ថិតនៅលើផ្លូវធំជាប់នឹងអាកាសយានដ្ឋានអន្តរជាតិទីក្រុងកាប៊ុល។
លោក Abdul Nafi Takor អ្នកនាំពាក្យក្រសួងមហាផ្ទៃតាលីបង់បាននិយាយនៅក្នុង Tweet ថា “ជាអកុសលនៅរសៀលនេះប្រហែលម៉ោង 1:30 រសៀល មានការផ្ទុះនៅក្នុងវិហារឥស្លាមមួយ ដែលអ្នកថ្វាយបង្គំបួននាក់ត្រូវបានសម្លាប់ និង ២៥នាក់ផ្សេងទៀតបានរងរបួស។ ហើយឧប្បត្តិហេតុនេះ កំពុងស្ថិតក្រោមការស៊ើបអង្កេត យើងនឹងចែករំលែកព័ត៌មានលម្អិតជាមួយប្រព័ន្ធផ្សព្វផ្សាយនៅពេលដែលវាត្រូវបានធ្វើ”។
ទោះជាយ៉ាងណា ភ្លាមៗគ្មាននរណាម្នាក់អះអាងទទួលខុសត្រូវចំពោះការផ្ទុះនេះទេ ប៉ុន្តែសម្ព័ន្ធក្រុម ISIL (ISIS) នៅអាហ្វហ្គានីស្ថាន ដែលជាគូប្រជែងចម្បងរបស់ពួកតាលីបង់ បាននិងកំពុងធ្វើយុទ្ធនាការនៃអំពើហិង្សាលើក្រុមតាលីបង់ និងជនជាតិភាគតិច Shia ដែលកាន់តែខ្លាំងឡើងចាប់តាំងពីក្រុមតាលីបង់ឡើងកាន់អំណាចក្នុងខែសីហា ឆ្នាំ ២០២១៕
